សមត្ថកិច្ចឃាតខ្លួន មុខសញ្ញាចែកចាយគ្រឿងញៀនបាន០២នាក់ រួមនិងវត្ថុតាង...
ខេត្តបាត់ដំបង៖
កម្លាំងអធិការដ្ឋាននគរបាលស្រុកសំពៅលូន បានចុះប្រតិបត្តិការ បង្ក្រាបករណីជួញដូរដោយខុសច្បាប់ នូវសារធាតុញៀន ក្នុងបទ ល្មើសជាក់ស្ដែង នៅចំណុចភូមិកូនភ្នំខាងជើង ឃុំតាស្តា ស្រុកសំពៅលូន ខេត្តបាត់ដំបង។
និងឃាត់ខ្លួនជនសង្ស័យចំនួន០២នាក់ នៅថ្ងៃ ច័ន្ទទី១៦ ខែកក្កដា ឆ្នាំ២០១៨ វេលាម៉ោង ១៧និង៤៥ នាទី ជនសង្ស័យមានឈ្មោះដូចខាងក្រោម៖
១-ឈ្មោះ កង ស៊ីណាន (ហៅទូច) កម្លាំងអធិការដ្ឋាននគរបាលស្រុកសំពៅលូន ភេទប្រុស អាយុ ២៦ឆ្នាំ មានទីលំនៅចំណុចខាងលើ។
២-ឈ្មោះ ងឿន សុភាព (ហៅអៀប) ភេទប្រុស អាយុ ២១ឆ្នាំ មានទីលំនៅភូមិកោះតូច ឃុំសំពៅលូន ស្រុកសំពៅលូន។
សមត្ថកិច្ចដកហូតវត្ថុតាង ម្សៅក្រាមពណ៌សថ្លាសង្ស័យមានសារធាតុញៀន០១កូនថង់ និងកូនថង់សម្រាប់ច្រកថ្នាំញៀន ០១ ដុំ កាំបិតចំនួន០៣ រួមនិងប្រដាប់ប្រដាសម្រាប់ជក់គ្រឿងញៀនមួយចំនួន។
បច្ចុប្បន្នជនសង្ស័យទាំង០២នាក់ រួមនិងវត្ថុតាង ត្រូវបានកម្លាំងអធិការដ្ឋាននគរបាលស្រុកសំពៅលូន កសាងសុំណុំរឿង តាមនីតិវិធី៕