សមត្ថកិច្ច ឃាត់ខ្លួនជនសង្ស័យចំនួន០១នាក់ រួមនិងថ្នាំញៀន១១កញ្ចប់តូច បញ្ជូនទៅសាលាដំបូងខេត្ត...
ខេត្តបាត់ដំបង៖ ថ្ងៃទី១៩ ខែកញ្ញា ឆ្នាំ២០១៨ វេលាម៉ោង១១និង២០នាទី ដោយមានការយកចិត្តទុកដាក់ ពី ឯកឧត្តម ឧត្តមសេនីយ៍ទោ អ៊ុច សុខុន ស្នងការនគរបាលខេត្តបាត់ដំបង លោកឧត្តមសេនីយ៍ត្រី កុយ ហៀង ស្នងការរងប្រឆាំងបទល្មើសគ្រឿងញៀន បានបញ្ជាដោយផ្ទាល់ អោយលោកវរសេនីយ៍ឯក សុង សុភ័ក្រ្ត អធិការដ្ឋាននគរបាលស្រុកភ្នំព្រឹក បានដឹកនាំកម្លាំងជំនាញ ចុះបង្រ្កាបករណីរក្សាទុក និង ជួញដូរ ដោយខុសច្បាប់ នូវសាធាតុញៀន។
នៅចំណុចក្រុមទី០៨ ភូមិភ្នំតូច ឃុំពេជ្រចិន្តា ស្រុកភ្នំព្រឹក ក្នុងនោះសមត្ថកិច្ចយើង បានធ្វើការឃាត់ខ្លួនជនសង្ស័យបានចំនួន០១នាក់ មានឈ្មោះ សួន សុធា ភេទប្រុស អាយុ៣២ឆ្នាំ មុខរបរ មិនពិតប្រាកដ រស់នៅភូមិ ឃុំខាងលើ និងបានឆែកឆេរ រកឃើញម្សៅក្រាមពណ៍សថ្លា១១កញ្ចប់តូច សង្ស័យមានសាធាតុញៀន និងទូរស័ព្ទដៃម៉ាក Nokia ចំនួន០១គ្រឿង រួមជាមួយ សម្ភារៈប្រើប្រាស់គ្រឿងញៀនមួយចំនួនទៀត ។
ករណីនេះសមត្ថកិច្ចយើងបានកសាងសំណុំរឿង បញ្ជូនខ្លួនជនសង្ស័យ និងវត្ថុតាង ទៅសាលាដំបូងខេត្តបាត់ដំបង ដើម្បីផ្តន្ទាទោសតាមផ្លូវច្បាប់ ។
