ខេត្តកែប ៖ បុរសម្នាក់បានស្លាប់ភ្លាមៗនៅកន្លែងកើតហេតុ ដោយសារជួបឧបទ្ទវហេតុគ្រោះថ្នាក់ចរាចរ រវាងរថយន្តនិងម៉ូតូ លើកំណាត់ផ្លូវជាតិលេខ៣៣។ ដែល ហេតុការណ៍ដ៏រន្ធត់នេះ បានកើតឡើងកាលពីវេលាម៉ោង៣និង៥០នាទីរសៀល ថ្ងៃទី២៣ ខែមករា ឆ្នាំ២០១៩ ត្រង់ចំណុចមុខស្ថានីយ៍ប្រេងឥន្ធនៈសូគីមិុច ស្ថិតក្នុងភូមិអូរដូង ឃុំពងទឹក ស្រុកដំណាក់ចង្អើរ ខេត្តកែប ចន្លោះគីឡូម៉ែត្រ ២៦-២៧។ ទាក់ទិននឹងករណីគ្រោះថ្នាក់ចរាចរខាងលើ លោកវរសេនីយ៍ឯក តូវ សុវណ្ណ អធិការនគរបាលស្រុកដំណាក់ចង្អើរ បានឲ្យដឹងថា គ្រោះថ្នាក់នេះបង្កឡើងដោយរថយន្តមិនស្គាល់ម៉ាកមួយគ្រឿង បើកក្នុងល្បឿនលឿនជ្រុលទៅបុកម៉ូតូ ដែលបើកបរក្នុងទិសដៅស្របគ្នា (ពីកើតទៅលិច)។ លោកអធិការបានបញ្ជាក់ថា៖ មុនពេលកើតហេតុដ៏អាក្រក់នេះ ម៉ូតូជនរងគ្រោះបើកនៅពីមុខរថយន្ត ក្នុងទិសដៅពីកើតទៅលិចដូចគ្នា លុះមកដល់ចំណុចគ្រោះថ្នាក់ម៉ូតូក៏ងាកចង្កូចបន្តិច បំណងចូលចាក់សាំង គាប់ជួនរថយន្តបើកមកពីក្រោយក្នុងល្បឿនខ្លាំងដូចគ្នា ទើបជ្រុលទៅបុកម៉ូតូនៅកណ្តាលទ្រូវផ្លូវយ៉ាងពេញទំហឹង បណ្តាលអោយអ្នកបើកបរម៉ូតូបើុងខ្ទាតជាច្រើនម៉ែត្រ ហើយបានស្លាប់ភ្លាមៗតែម្តង។ ភ្លាមនោះរថយន្តបង្កបានបន្ថែមល្បឿនបោះពួយទៅទិសខាងលិចបាត់ស្រមោល។ លោកអធិការបានអោយដឹងទៀតថា៖ ជនរង គ្រោះដែលស្លាប់ខាងលើមានឈ្មោះ ជា សារិន ភេទប្រុស អាយុ៤៨ឆ្នាំ រស់នៅភូមិទ្វីខាងជើង សង្កាត់អណ្តូងខ្មែរ ក្រុង-ខេត្តកំពត។ជនរងគ្រោះជិះម៉ូតូម្នាក់ឯងម៉ាកLCCT 125ពណ៌សលាយខៀវ គ្មានស្លាកលេខ។ បច្ចុប្បន្នសពជនរងគ្រោះ ត្រូវបានសមត្ថកិច្ចហៅរថយន្តសាមុយរបស់មន្ទីរពេទ្យបង្អែកខេត្តកែប ដឹកបញ្ជូនទៅកាន់លំនៅស្ថានដើម្បីប្រគល់ជូនក្រុមគ្រួសារធ្វើបុណ្យតាមប្រពៃណី។ចំណែករថយន្តបង្កហេតុ ពេលនេះសមត្ថកិច្ចបាននិងកំពុងដុតដៃដុតជើងស្រាវជ្រាវតាមជំនាញហើយ៕ ដោយៈ សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា