ខេត្តកែប៖ បុរសម្នាក់បានស្លាប់មួយរំពេច.!យ៉ាង អណោចអធ័ម ដោយសារគ្រោះថ្នាក់ចរាចរណ៍ បង្កឡើងដោយរថយន្តបុកជាមួយម៉ូតូ លើកំណាត់ផ្លូវជាតិលេខ៣៣ ក្នុងទិសដៅបញ្រ្ចាសទិសគ្នា ដែលហេតុការណ៍នេះ បានកើតឡើងកាលពីវេលាម៉ោង១៦ និង ៤០នាទីល្ងាច ថ្ងៃទី២៣ ខែកុម្ភៈ ឆ្នាំ២០១៩ ត្រង់ចំណុចភូមិភ្នំលាវ ឃុំពងទឹក ស្រុកដំណាក់ ចង្អើរ ខេត្តកែប ចន្លោះគីឡូម៉ែត្រ២៣-២៤ នៃកំណាត់ផ្លូវជាតិលេខ៣៣។ បើយោងតាមប្រភពព័ត៌មានពីកន្លែងកើតហេតុបានអោយថា៖ មុនពេលកើតហេតុកដ៏អាក្រក់នេះ គេបានឃើញបុរសរងគ្រោះជិះម៉ូតូម្នាក់ឯងម៉ាក C125 ពណ៌ខ្មៅ ពាក់ស្លាកលេខ កែប 1A-10651A-1065 ពីកើតទៅលិច ក្នុងល្បឿនមធ្យម លុះមកដល់ចំណុចគ្រោះថ្នាក់ក៏មានរថយន្តម៉ាក Lexus-Lx-470 មួយគ្រឿងដែលគេស្គាល់ថា៖ ជារថយន្តរបស់ឈ្មោះ សេង ខុន (មេចុងភៅ) បោះពួយមកពីលិចទៅកើត ហើយបានបើកជែងជាមួយរថយន្តខ្នាតធំមួយគ្រឿង ក្នុងល្បឿនលឿន ទើបជ្រុលទៅបុកម៉ូតូ ដែលបើកបរតាមគន្លងផ្លូវអាទិភាពចំពីមុខពេញទំហឹង បណ្តាលអោយអ្នកបើកបរម៉ូតូស្លាប់យ៉ាងអណោចអធ័ម នៅកន្លែងកើតហេតុ ភ្លាមៗនោះ ម្ចាស់រថយន្តបង្កហេតុដែលគេស្គាល់ឈ្មោះ សេង ខុន ក៏បានចតរថយន្តចោលនៅមុខសាលាឃុំពងទឹករួចដាក់មេប្រូចបាត់តែម្តង។ តាមការប្រាប់អោយដឹងពីលោក តូវ សុវណ្ណ អធិការនគរបាលស្រុកដំណាក់ចង្អើរ បានរៀបអោយដឹងថា៖ គ្រោះថ្នាក់ចរាចរណ៍ខាងលើនេះ គឺបង្កឡើងដោយរថយន្តម៉ាកLexus Lx470 ពាក់ស្លាកលេខ ភ្នំពេញ 2N-7177 ដែលមានម្ចាស់ឈ្មោះ សេង សុខុន ភេទប្រុស អាយុ៥៣ឆ្នាំ មានទីលំនៅភូមិអូច្រនៀង ឃុំកំពង់ត្រាចខាងលិច ស្រុកកំពង់ត្រាច ខេត្តកំពត។ លោកអធិការបានបញ្ជាក់ទៀតថា ចំណែកជនរងគ្រោះដែលស្លាប់ក្នុងហេតុការណ៍នេះមានឈ្មោះ ណុប ប៊ុនធឿន ភេទប្រុស អាយុ៣៨ឆ្នាំ រស់នៅក្នុងភូមិត្រពាំងរពៅ ឃុំព្រែកត្នោត ស្រុកទឹកឈូ ខេត្តកំពត។ ក្រោយពីវាស់វែង រថយន្តនិងម៉ូតូត្រូវបានសមត្ថកិច្ចនាំយកទៅរក្សាទុក នៅអធិការដ្ឋាននគរបាលស្រុកដំណាក់ចង្អើរ រងចាំដោះ ស្រាយគ្នានៅពេលក្រោយ ដោយឡែកសព ជនរងគ្រោះត្រូវបានរថយន្តសាមុយដឹកបញ្ជូនទៅកន់លំនៅដ្ឋាន ដើម្បីប្រគល់ជូនក្រុមគ្រួសារនៃសព៕ ដោយៈ សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com