ខេត្តបន្ទាយមានជ័យ៖ អំពើរឃាតកម្មសម្លាប់ដុតនិងកង់ឡាន នៅភូមិថ្មរមៀល ឃុំបន្ទាយឆ្មា ស្រុកថ្មពួក កាលពីថ្ងៃទី២៥ ខែកុម្ភៈ ឆ្នាំ២០១៩ ចន្លោះ ពីម៉ោង១០ដល់ម៉ោង១២ និង០០ ថ្ងៃត្រង់។ ត្រូវបានលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយ មានជ័យ បំបែកសំណុំរឿងបានហើយ ដោយប្រើអស់រយៈពេល អស់ ៤៥ម៉ោង ទើបឃាត់ ខ្លួនជនសង្ស័យទាំង០២នាក់ បងប្អូនបាន។ យោងតាមចម្លើយសារភាពរបស់ជនសង្ស័យទាំង០២នាក់ ប្រាប់សមត្ថកិច្ចអោយដឹងថា៖ នៅថ្ងៃទី២៥ ខែកុម្ភៈ ឆ្នាំ២០១៩ ចន្លោះម៉ោង១០ ដល់ម៉ោង១២និង០០ ថ្ងៃត្រង់ ខ្លួនទាំង០២ នាក់ ពិតជាបានសម្លាប់ជនរងគ្រោះឈ្មោះ ហាន សុថុន ភេទប្រុស អាយុ៣៦ឆ្នាំ រស់នៅភូមិអពិលចាស់ ឃុំបន្ទាយអំពិល ស្រុកបន្ទាយអំពិល ខេត្តឧត្តមានជ័យ។ មានមុខរបរបើករោងម៉ាសុីនកិនស្រូវ និងបើកឡានយកស្រូវតាមផ្ទះទៅកិន ដែលកាន់ទូរស័ព្ទដៃលេខ (០៩៧៤៥៥០២០៧) ពិតប្រាកដមែន ដោយប្រើកាំបិតប៉ាំងតោ កាប់ទៅលើជនរង គ្រោះចំនួន០២កាំបិត ត្រូវចំក និងចំដៃ បណ្តាលអោយស្លាប់ភ្លាមៗ នៅកន្លែងកើត ហេតុ ហើយបានយកកង់មុខគោយន្តកន្ត្រៃចំនួន០៤ និងកង់មុខត្រាក់ទ័រចំនួន០១ ដុតសពជនរងគ្រោះ ដើម្បីបំបាត់ភស្តុតាង។ សមត្ថកិច្ចបានអោយដឹងថា៖ ជនសង្ស័យទាំង០២ នាក់បងប្អូន រស់នៅជុំគ្នា ទី១-ឈ្មោះ ស៊ួត សុភាក់ (ហៅភ័ក្រ្ត) ភេទប្រុស អាយុ៣៤ ឆ្នាំ រស់នៅភូមិធ្លក ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។ ទី២-ឈ្មោះ ស៊ួត សុផាត ភេទប្រុសអាយុ៣៧ ឆ្នាំ រស់នៅភូមិធ្លក ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។ ក្នុងករណីអំពើឃាតកម្មគិតទុកជាមុននេះផងដែលនោះ លោកឧត្ដមសេនីយ៏ត្រី សិទ្ធិ ឡោះ ស្នងការរងខេត្តបន្ទាយមានជ័យ បានប្រាប់សារព័ត៌មាន (គេហទំព័រ ប៉ោយប៉ែតប៉ុស្តិ៍) អោយដឹងថា៖ ដោយមានការដឹកនាំកម្លាំងផ្ទាល់ពីលោកឧត្តមសេនីយ៍ទោ អាត់ ខែម ស្នងការខេត្តបន្ទាយមានជ័យ សហការជាមួយកម្លាំងលោក សៅ សារឿន អធិការស្រុកថ្មពួក ចុះប្រតិបត្តិការដល់ទីតាំងកើតហេតុ និងបន្តចាត់តាំងកម្លាំងជំនាញស្រាវជ្រាវ ទើបឈានដល់ការឃាត់ខ្លួនជនសង្ស័យទាំង០២ នាក់ បងប្អូនបង្កើតបាន។ បច្ចុប្បន្នៈកម្លាំងសមត្ថកិច្ចស្នងការខេត្តបន្ទាយ មានជ័យ កំពុងធ្វើការសាកសួរ ដើម្បីរៀបចំសំណុំរឿងបន្ត និងប្រគល់ជូនតុលាការខេត្ត កាត់ទោសតាមផ្លូវច្បាប់៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com