រាជធានីភ្នំពេញ៖ រថយន្ត០២គ្រឿងបើកបរល្បឿនលឿន មិនប្រយ័ត្ន លុះមកដល់ចំណុចកើតហេតុ បានបុកជាមួយរថយន្ត០១គ្រឿងទៀត បើកបរដោយប្ដីប្រពន្ធពីរនាក់ លាន់ស្នូរដូចមីនតោនផ្ទុះបណ្តាលអោយរងការខូចខាចយ៉ាងដំណំ បង្កការភ្ញាក់ផ្អើលអស់ពលរដ្ឋនិងសមត្ថកិច្ច ដែលហេតុការណ៍នេះបានកើតឡើងនៅវេលាម៉ោង០២និង១០ នាទីយប់ឈានចូលថ្ងៃទី១៦ ខែកក្ដដា ឆ្នាំ២០១៩នេះ ស្ថិតនៅតាមបណ្ដោយផ្លូវកម្ពុជាក្រោម កែងផ្លូវ២១៥ ក្នុងសង្កាត់មិត្តភាព ខណ្ឌ៧មករា រាជធានីភ្នំពេញ។ ក្រោយពេលកើតហេតុរួចសមត្ថកិច្ចបានប្រាប់អោយដឹងថា៖ មុនពេលកើតហេតុគេឃើញបុរសម្នាក់បើករថយន្តឡិចស៊ីសGS300 ពណ៌ស ពាក់ស្លាកលេខភ្នំពេញ2AV. 0575 បានធ្វើដំណើរតាមផ្លូវកម្ពុជាក្រោមក្នុងទិសដៅពីលិចទៅកើត ខណៈមកដល់ចំណុចកើតហេតុខាងស្រាប់តែមានរថយន្តសាមយ៉ុង ពណ៌សំបកឪឡឹក ពាក់ស្លាកលេខភ្នំពេញ2AP. 5604 បើកដោយប្ដីប្រពន្ធ០២នាក់ តាមបណ្ដោយផ្លូវ២១៥ ទិសដៅពីត្បូងទៅជើង ក៏បុកចំពេញទំហឹងផ្នែកខាងឆ្វេងខូចខាតទាំងសងខាង។ សមត្ថកិច្ចមូលដ្ឋានបានបញ្ជាក់អោយសារព័ត៌មានយើងយ៉ាងច្បាស់ថា៖ លោកបានភាគីទាំងពីរសម្របសម្រួលគ្នា ប៉ុន្តែសំរួលមិនត្រូវគ្នាសោះ ទើបសមត្ថកិច្ចសម្រេច វាស់វែងយករថយន្តទាំងពីរយកទៅអធិការដ្ឋានខណ្ឌ៧មករា រងចាំដោះស្រាយគ្នានៅពេលក្រោយ។ សូមបញ្ជាក់ផងដែរថា៖ ករណីគ្រោះថ្នាក់ចរាចរណ៍ខាងលើនេះ មិនបណ្តាលអោយមានអ្នករងរបួសនោះទេ៕ ដោយៈ សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
តាមរយៈការចង្អុលបង្ហាញផ្ទាល់របស់សម្តេចមហាបវរធិបតីហ៊ុន ម៉ាណែតនាយករដ្ឋមន្ត្រី ឯកឧត្តមបណ្ឌិត ប៉ាន់ខែម ប៊ុនថន ប្រើរយៈពេលវេលាចំនួន៣ម៉ោងប៉ុណ្ណោះ ដោះស្រាយវិវាទដីធ្លី១៨ឆ្នាំជូនប្រជាពលរដ្ឋបានបញ្ចប់ហើយនៅភូមិក្បាលស្ពាន១ សង្កាត់អូរជ្រៅ (ប៉ោយប៉ែតប៉ុស្តិ៍)
មន្ត្រី បន្តផ្តល់អត្តសញ្ញាណប័ណ្ណ ជិត ១ម៉ឺនសន្លឹក និងសេវាអត្តសញ្ញាណកម្ម ជាង ២ម៉ឺនសេវាទៀត ជូនប្រជាពលរដ្ឋ (ប៉ោយប៉ែតប៉ុស្តិ៍)
លោក គាត ហ៊ុល អភិបាលក្រុងប៉ោយប៉ែតនាំយកអំណោយនិងថវិកាផ្ដល់ជូនស្ត្រីម្នាក់ដែលមានជំងឺប្រចាំកាយ ជាជំងដឹមហារីក សុដន់ (ប៉ោយប៉ែតប៉ុស្តិ៍)
លោកវរសេនីយ៍ទោ ទេព រដ្ឋា នាំថវិកាចំនួន ១,៥០០,០០០រៀល របស់លោកឧត្តមសេនីយ៍ទោស្នងការប្រគល់ជូនគ្រួសារសពលោក អនុសេនីយ៍ត្រី ហូ ឧត្តម មន្រ្តីប៉ុស្តិ៍នគរបាលទានកាំដែលបានទទួលមរណៈភាព (ប៉ោយប៉ែតប៉ុស្តិ៍)
ខ្ចីម៉ូតូជិះមួយភ្លេតយកទៅលក់ដើរលេងស៊ីចាយអស់ ត្រូវម្ចាស់ប្តឹងសមត្ថកិច្ចចាប់ខ្នោះ.!!! (ប៉ោយប៉ែតប៉ុស្តិ៍)
វីដែអូ
ចំនួនអ្នកទស្សនា