រាជធានីភ្នំពេញ៖ គ្រោះថ្នាក់ចរាចរណ៍ដ៏រន្ធត់រវាងរថយន្តនិង ម៉ូតូ បណ្តាលអោយស្ត្រីម្នាក់ស្លាប់ ពេលបញ្ជូនទៅសង្រ្គោះ ​ និងរងរបួសធ្ងន់ស្រាល២នាក់ ថ្ងៃទី២៣ ខែកញ្ញា ឆ្នាំ២០១៩ នៅចំណុចមុខច្រកចូលរោងចក្រស្រាបៀរកម្ពុជា លើផ្លូវ២១៧ ស្ថិតនៅភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ។ ប្រភពពីកន្លែងកើតហេតុបានអោយដឹងថា៖ គេឃើញមានរថយន្តម៉ាក ហ៊ីណូ ពណ៌ទឹកក្រូច ពាក់ស្លាកលេខ (ភ្នំពេញ 5A-2821) បើកបរក្នុងទិសដៅពីត្បូងទៅជើង លុះមកដល់ចំណុចកើតហេតុខាងលើ ក៏បុកចំពីក្រោយម៉ូតូមួយគ្រឿងម៉ាក ហុងដា ស្កូបពី ពណ៌ខ្មៅ ពាក់ស្លាកលេខ (ភ្នំពេញ 1HG-5411)ដែលកំពុងបើកបរមានគ្នា៣នាក់ ក្នុងទិសដៅស្របទិសគ្នា បណ្តាលអោយស្ត្រីម្នាក់ស្លាប់ និងរងរបួសធ្ងន់ស្រាល២នាក់។ ប្រភពបន្តថា៖ ភ្លាមៗនោះ អ្នកបើកបររថយន្តពុំស្គាល់អត្តសញ្ញាណ បានរត់គេចខ្លួនបាត់ បន្សល់ទុកតែរថយន្ត។ ក្រោយពេលកើតហេតុសមត្ថកិច្ចផ្នែកចរាចរណ៍ផ្លូគោក បានចុះមកធ្វើការវាស់វែង និងធ្វើកំណត់ហេតុរួចរាល់ សមត្ថកិច្ចបានអោយថា៖ ជនរងគ្រោះបកបរម៉ូតូមានឈ្មោះ វី ឆវ័ន្ត ភេទប្រុស អាយុ៣១ឆ្នាំ មុខរបរ បើកបររថយន្ត មានទីលំនៅភូមិព្រែកប្រណាក់ សង្កាត់ជើងឯក ខណ្ឌដង្កោ រាជធានីភ្នំពេញ អ្នករួមដំណើរត្រូវជាប្រពន្ធមានឈ្មោះ គឹម ពេជ្រដាលី ភេទស្រី អាយុ២៨ឆ្នាំ មុខរបរ ជាងអ៊ុតសក់ និង កូនស្រីម្នាក់ឈ្មោះ វី គីមមួយ ភេទស្រី អាយុ៣ខែ។ បច្ចុប្បន្នៈ សមត្ថកិច្ច យករថយន្ត និង ម៉ូតូ ទៅរក្សាទុកនៅការិយាល័យ ចរាចរណ៍ផ្លូវគោករាជធានីភ្នំពេញ ដើម្បីរង់ចាំអោយម្ចាស់រថយន្តចូលខ្លួមកដោះស្រាយគ្នាតាមនីតិវិធី៕ ដោយៈ ព្រីង សំឡត អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com