រាជធានីភ្នំពេញ៖ ប៉ុស្តិ៍រដ្ឋនគរបាលបឹងទំពុនទី១ បង្ក្រាបបានជនសង្ស័យ០៣នាក់ ពេលកំពុងចែកចាយគ្រឿងញៀនបានចំនួន១១កញ្ចប់ថង់តូច ដែលសមត្ថកិច្ចធ្វើឡើងកាលវេលាម៉ោង០០និង៣០នាទីកណ្ដាលអាធ្រាត ឈានចូលថ្ងៃទី២០ ខែ មករា ឆ្នាំ២០២០ ស្ថិតត្រង់ចំណុចផ្លូវ ៧៧ បេតេ ក្នុងភូមិចំរើនផល សង្កាត់បឹងទំពុនទី១ ខណ្ឌមានជ័យ ។ លោក ឈីន ចំរើន នាយប៉ុស្តិ៍រដ្ឋនគរបាលបឹងទំពុនទី១ បានអោយដឹងថា៖ កម្លាំងនគរបាលបានចុះល្បាតក្នុងមូលដ្ឋានដើម្បីបង្ការនិងទប់ស្កាត់បទល្មើស នៅពេលកម្លាំងនគរបាលចុះល្បាត ក៏ប្រទះឃើញជនសង្ស័យ០២នាក់ ដោយមានការសង្ស័យបានធ្វើការឆែកត្រួតពិនិត្យមើលរកឃើញថ្នាំក្រាមពណ៌សថ្លា មានចំនួន១១កញ្ចប់ថង់តូច ដែលលាក់ក្នុងប្រអប់ជ័រពណ៍ស សង្ស័យគ្រឿងញៀន រួចចាប់យកមកស្នាក់ការប៉ុស្តិ៍ដើម្បីសួរនាំបន្ត ។ ក្រោយមកក៏បន្តទៅចាប់យកបក្សពួកជនសង្ស័យបាន០១នាក់ទៀត ដែលស្នាក់នៅបន្ទប់ជួល និងធ្វើការឃាត់ខ្លួនពីបទជួញដូរនៅសារធាតុញៀនដោយខុសច្បាប់ម្នាក់ អ្នកទិញយកមកលក់បន្ត២នាក់ ជាអ្នកលក់ចែកចាយបន្តគ្រឿងញៀនផងដែល ។ ជនសង្ស័យមានឈ្មោះដូចខាងក្រោម៖ ទី១-ឈ្មោះ អ៊ែល ចាន់ណា ហៅឆ្លូញ ភេទប្រុស អាយុ៣៨ឆ្នាំ មុខរបរជាងផ្សារដែក ស្នាក់នៅសង្កាត់ស្ទឹងមានជ័យទី២ ខណ្ឌមានជ័យ។ ទី២-ឈ្មោះ ចាន់ ដារ៉ារ័ត្ន ភេទប្រុសអាយុ ៣០ឆ្នាំ មុខរបរមនពិតប្រាកដ ស្នាក់នៅមិនពិតប្រាកដ។ ទី៣-ឈ្មោះ អៀម សារី ភេទស្រី អាយុ២៧ឆ្នាំ ស្នាក់នៅនិងមុខរបរ មិនពិតប្រាកដ។ បច្ចុប្បន្នៈ ជនសង្ស័យទាំង០៣នាក់រួមនិងវត្ថុតាងឃាត់ខ្លួនបញ្ជូលទៅអធិការដ្ឋាននគរបាលខណ្ឌមានជ័យ ដើម្បីចាត់ការបន្តតាមនីតិវិធី៕ ដោយៈលោក សេង រ័ត្ន និពន្ធនាយករង គេហទំព័រ ប៉ោយប៉ែតប៉ុស្តិ៍ www.poippetpostnews.com