ខេត្តបាត់ដំបង៖ ហេតុការណ៍ដ៏រន្ធត់មួយដោយសារគ្រោះធម្មជាតិ បានបង្កឡើងដោយរន្ទះបាញ់ នាថ្ងៃភ្ជុំបិណ្ឌធំ ស្ថិតក្នុងភូមិបឹងធ្មួយ ឃុំព្រែកជីក ស្រុករុក្ខគិរី បង្កអោយស្លាប់៦នាក់ស្ត្រី២នាក់ និងរបួស៤នាក់ គ្រាកំពុងហូបបាយជុំគ្នាក្រោមផ្ទះ ក្នុងថ្ងៃមកជួបជុំគ្រួសារ នៅថ្ងៃទី១៧ ខែកញ្ញា ឆ្នាំ២០២០ វេលាម៉ោង០៦និង១៥នាទីល្ងាច។ បើយោងតាម លោក ជា សម្បត្តិ អភិបាលស្រុករុក្ខ:គីរី បានប្រាប់ភ្នាក់ងារ សារព័ត៌មាន (គេហទំព័រ ប៉ោយប៉ែតប៉ុស្តិ៍) អោយដឹងថា៖ មុនពេលកើតហរតុជនរងគ្រោះអង្គុយហូបបាយជុំគ្នាក្រោមផ្ទះនាពេលល្ងាច ចំពេលមេឃភ្លៀងធ្លាក់ធំ បង្កអោយមានផ្គររន្ទះបាញ់១គ្រាប់ បណ្តាលអោយមនុស្សស្លាប់៦នាក់ ក្នុងនោះស្ត្រី២នាក់ និងរងរបួស៤នាក់។ លោក ជា សម្បត្តិ បានអោយដឹងយ៉ាងច្បាស់ថា៖ ជនរងគ្រោះមានពីរគ្រួសារ ដែលជាសាច់ញាតិនឹងគ្នា។ ក្នុងនោះមួយគ្រួសារជាអ្នកនៅទីរួមខេត្តបាត់ដំបង បានស្លាប់ស្លាប់២នាក់ រងរបួស២នាក់។ និងមួយគ្រួសារទៀតជាម្ចាស់ផ្ទះ ស្លាប់ ៤នាក់ របួស២នាក់។ លោក ជា សម្បត្តិ បានបញ្ជាក់ទៀតថា អ្នករងគ្រោះដែលបានស្លាប់រួមមាន៖ ទី១-ឈ្មោះ យ៉ុម ញុិក ភេទប្រុស អាយុ៥៦ឆ្នាំ។ ទី២-ឈ្មោះ ដាំ សុខណា ភេទស្រី អាយុ៥៦ឆ្នាំ (ជាភរិយាអ្នកស្លាប់ទី១)។ ទី៣-ឈ្មោះ យ៉ុម ចរិយា ភេទ ស្រី អាយុ ២៥ឆ្នាំ (ជាកូនបង្កើតអ្នកស្លាប់ទី១ និងទី២)។ទី៤-ឈ្មោះ យ៉ុម រ៉ាវុធ ភេទ ប្រុស អាយុ ២៦ឆ្នាំ (ជាកូនបង្កើតអ្នកស្លាប់ទី១ និងទី២)។ទី៥-ឈ្មោះ ធី អត់ស្គាល់ត្រកូលភេទប្រុស មកពីខេត្តបាត់ដំបង។ ទី៦-ឈ្មោះ អន រិន ភេទប្រុសប្រុស អយុ ២៧ឆ្នាំ រស់នៅខេត្តបាត់ដំបង។ ដោយឡែក: អ្នករងរបួសរួមមាន៖ ទី១-ឈ្មោះ វឿន វុត្ថា ប្រុសអាយុ ៤១ឆ្នាំ នៅរស់ មកពីបាត់ដំបង។ ទី២-ឈ្មោះ សើក សារស់ ភេទប្រុស អាយុ៤១ឆ្នាំ រស់នៅ ខេត្តបាត់ដំបង។ ទី៣-ឈ្មោះ ហួត ហុង អាយុ៤៨ឆ្នាំ មកពីបាត់ដំបង។ និងទី៤-ឈ្មោះ ឃឿត សំណាង ប្រុស អាយុ២៥ឆ្នាំ រស់នៅភូមិបឹងធ្មួយ ឃុំព្រែកជីក ស្រុករុក្ខគិរី ខេត្តបាត់ដំបង។ បច្ចុប្បន្ន: ជនរងគ្រោះស្លាប់៦នាក់ ត្រូវបានសាច់ញាតិ យកទៅធ្វើបុណ្យតាមប្រពៃណី៕ ដោយ: លោក សុខ បូរី និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com