ក្រុងប៉ោយប៉ែត៖ ឯកឧត្ដម ង៉ោ ម៉េងជ្រួន អភិបាលរងខេត្តបន្ទាយមានជ័យ សហការជាមួយ មន្ត្រីជំនាញ សុខាភិបាល កងកម្លាំងសមត្ថកិច្ចចម្រុះ ជួសមុខអោយ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានធ្វើសន្និសិតកាសែត ស្ដីពី ព្រឹត្តិការណ៍ថ្ងៃទី ១០ មីនា អ្នកពាក់ព័ន្ធជិតស្និទ្ធ និងប្រយ៉ោល បូកសរុប ១០២ នាក់ នៅក្នុងសណ្ឋាគារអន្តរជាតិ V9 និង សណ្ឋាគាប៉ារ៉ាម៉ា២ ដែលបានធ្វើចត្តាឡីសក័ ១៤ ថ្ងៃរួចមក និងបានធ្វើតេស្តពិនិត្យសំណាកជាលើកទី២ ជាលទ្ធផល អវិជ្ជមានកូវីដ-១៩ ទាំងអស់ នៅក្រុងប៉ោយប៉ែត។ សូមបញ្ជាក់ថា៖ ការធ្វើសន្និសិតកាសែតនេះប្រារព្ធធ្វើឡើងនៅថ្ងៃព្រហស្បតិ៍ ១២ កើត ខែចេត្រ ឆ្នាំជូតទោស័ក ពុទ្ធសករាជ ២៥៦៤ត្រូវនឹងថ្ងៃទី២៥ ខែមីនា ឆ្នាំ២០២១ ក្នុងសណ្ឋាគារអន្តរជាតិ V9 និង សណ្ឋាគាប៉ារ៉ាម៉ា២ ក្រោមការដឹកនាំផ្ទាល់ពី ឯកឧត្ដម ង៉ោ ម៉េងជ្រួន អភិបាលរងខេត្ត ជួសមុខអោយ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងមានវត្តមានអញ្ជើញចូលរួមមានដូចជា៖ លោក គាត ហ៊ុល អភិបាលក្រុងប៉ោយប៉ែត.លោកឧត្តមសេនីយ៍ត្រី អេង លីហួរ ស្នងការរងខេត្តទទួលផែនអន្តោប្រវេសន៍.លោកឧត្តមសេនីយ៍ត្រី នូ ជីវ័ន្ត ស្នងការរងខេត្តទទួលបន្ទុកផែនព្រហ្មទណ្ឌ.លោក វរសេនីយ៍ត្រី នួន នីណារ៉ូ មេបញ្ជាការ មូលដ្ឋានកងរាជអាវុធអហ្ថក្រុងប៉ោយប៉ែត.លោកវរសេនីយ៍ទោ បោន សីហា អធិការរងក្រុងប៉ោយប៉ែតទទួលផ្នែកសន្តិសុខផ្ទៃក្នុង.លោក ឱក ទីនណា ប្រធានមន្ទីរពេទ្យបង្អែកក្រុងប៉ោយប៉ែត.មន្ត្រីសុខាភិបាល. ក្រុមការងាររដ្ឋបាលសាលាក្រុង រួមនឹងអាជ្ញាធរមូលដ្ឋាន សង្កាត់ ចូលរួមផងដែរ។ ឯកឧត្តម ង៉ោ ម៉េងជ្រួន បានបញ្ជាក់ថា៖ ចំពោះអ្នកពាក់ព័ន្ធព្រឹត្តិការណ៍ ថ្ងៃទី ១០ មីនា នៅក្នុងក្រុងប៉ោយប៉ែត ដែលមានចំនួនច្រើនរហូតទៅដល់ ១០២ នាក់ ក្នុងសណ្ឋាគារអន្តរជាតិ V9 និង សណ្ឋាគាប៉ារ៉ាម៉ា២ នោះសម្រាប់ជនជាតិខ្មែរ អាជ្ញាធរមានសមត្ថកិច្ច អនុញ្ញាតអោយពួកគាត់ វិលត្រឡប់ទៅលំនៅដ្ឋានវិញនៅថ្ងៃនេះផងដែរ។ ឯកឧត្តម បានអោយដឹងទៀតថា៖ សម្រាប់់ជនបរទេស វិញ ខាងសមត្ថកិច្ចបានពិនិត្យមើល ឯកសារពាក់ព័ន្ធ បើជនបរទេស មានឯកសារត្រឹមត្រូវស្របច្បាប់ គឺអាជ្ញាធរ អនុញ្ញាតអោយមានសេរីភាពវិញ។ តែបើជនបរទេសរូបណា មានភាពមិនប្រក្រតី ចំពោះរឿងឯកសារ {ខុសច្បាប់} ខាងអាជ្ញាធរយើងនិងប្រគល់ជូនទៅខាងមន្ត្រីផ្នែកអន្តោប្រវេសន៍ធ្វើតាមផ្លូវច្បាប់៕ ដោយ: លោក ហ៊ីម ឯល ទីព្រឹក្សា គេហទំព័រ ប៉ោយប៉ែតប៉ុស្តិ៍ www.poipetpostnews.com