ខេត្តបន្ទាយមានជ័យ៖ នៅថ្ងៃទី២០ ខែសីហា ឆ្នាំ២០២១ នៅទីបញ្ជាការដ្ឋានកងរាជអាវុធហត្ថខេត្តបន្ទាយមានជ័យ បានបើកយុទ្ធនាការចាក់វ៉ាក់សាំងបង្ការកូវីដ.១៩ ដូលទី៣ ជូនដល់គ្រួសារកងរាជអាវុធហត្ថទូទាំងខេត្តបន្ទាយមានជ័យ ទាំងអស់សរុបចំនួន ៧៧៥ នាក់ ដោយមានការចូលរួមពិនិត្យចាក់ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ។ លោកឧត្តមសេនីយ៍ត្រី បោន ប៊ិនបានប្រាប់អ្នកយកព័ត៌មានអោយដឹងថា៖ ការចាក់វ៉ាក់សាំងបង្ការជម្ងឺកូវីដ-១៩ ដូសទី៣ ប្រភេទ(Astrazeneca) នេះ គឺជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ លោកវរសេនីយ៍ត្រី បោន ប៊ិន បានបន្តទៀតថា៖ យុទ្ធនាការចាក់វ៉ាក់សាំងបង្ការកូវីដ-១៩ ជូនដល់គ្រួសារកងរាជអាវុធហត្ថទូទាំងខេត្តបន្ទាយមានជ័យ ដែលមានចំនួនសរុប ៧៧៥ នាក់ នេះ គឺដើម្បីធានាបានសុខ សុវត្ថិភាព ជូនពួកគាត់ ដែលកំពុងរស់នៅតាមសហគមន៍ ហើយមុន និង ចាក់វ៉ាក់សាំងដូសទី៣ នេះ ត្រូវយកភ្ជាប់មកជាមួយនូវអត្តសញ្ញាណប័ណ្ណ​ អោយបានគ្រប់គ្នាផងដែរ។ គួរបញ្ជាក់ផងដែរថា រដ្ឋាភិបាល​បាន​នឹង​កំពុងដំណើរការ​ចាក់​វ៉ាក់សាំង​{អាស្ត្រាហ្សេនីកា} ដែលជា​ដូ​ស​ទី​៣​ សម្រាប់អ្នកដែលបានចាក់វ៉ាក់សាំងស៊ីណូ​ហ្វា​ម ឬ​ស៊ី​ណូ​វ៉ា​ក់​ រួចហើយ។ លោកបានបញ្ជាក់បន្ថែមទៀតថា៖ រាជរដ្ឋាភិបាលកម្ពុជា កំពុងដាក់ចេញផែនការផ្តល់វ៉ាក់សាំងចាក់ជូនក្រុមគ្រួសារអាវុធហត្ថនេះជាផែនការយុទ្ធសាស្ត្រមួយ ក្នុងការប្រយុទ្ធប្រឆាំងនឹងជំងឺកូវីដ-១៩ ព្រមទាំងបានស្វះស្វែងគ្រប់លទ្ធភាព ក្នុងការរកវ៉ាក់សាំងមកចាក់ជូនពួកគាត់។ ក្នុងនោះលោក បោន ប៊ិន បានមានប្រសាសន៍ផ្ដាំផ្ញើដល់ក្រុមគ្រួសារកងរាជអាវុធហត្ថទាំងអស់ ក្រោយពីបានចាក់វ៉ាក់សាំងដូសទី៣ រួចហើយ ធ្វើយ៉ាងណាក៏ត្រូវតែអនុវត្តន៍អោយបានត្រឹមត្រូវតាមវិធានការណែនាំរបស់ក្រសួងសុខាភិបាល និងអនុវត្តន៍អោយបានខ្ជាប់ខ្ជួននូវវិធានការ (៣ការពារ ៣កុំ ផងដែរ)៕ ដោយ: លោក វ័ន ប៊ុនរើន ជំនួយការ