បើករថយន្តយ៉ាងម៉េច.! បុកផ្ទះពលរដ្ឋ បង្កការភ្ញាក់ផ្អើលទាំងព្រលឹម នៅក្រុងប៉ោយប៉ែត និងបណ្ដាលខូចទ្រព្យសម្បត្តិម្ចាស់ផ្ទះមួយចំនួន.!!!
ខេត្តបន្ទាយមានជ័យ៖ នាព្រឹកថ្ងៃសៅរ៍ ទី១៧ ខែធ្នូ ឆ្នាំ២០២២ បុរសវ័យក្មេងម្នាក់ បើកបររថយន្តក្នុងល្បឿនលឿន ខ្វះការប្រុងប្រយ័ត្ន រ៉េចង្កូត ជ្រុលទៅបុកចូលផ្ទះពលរដ្ឋលក់ចាប់ហួយ មួយកន្លែង នៅក្បែរស្តង់ជ្រូក លើដងផ្លូវបេតុង វត្តថ្មី ស្ថិតនៅក្នុងភូមិ ប៉ាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត បង្កការភ្ញាក់ផ្អើលទាំងព្រលឹម កាលពីវេលាម៉ោង០៥ និង ១០ នាទី ព្រឹក។
បើយោងប្រភពពីកន្លែងកើតហេតុបានអោយដឹងថា៖ មុនពេលកើតហេតុ គេឃើញបុរសវ័យក្មេងម្នាក់ បើករថយន្ត ម៉ាក ព្រូស ពណ៌ស ពាក់ស្លាកលេខ ភ្នំពេញ-2-BA-0175 បើកបរទិសដៅពីជើងទៅ ទិសខាង ត្បូង ស្រាប់តែ រ៉េចង្កូត ជ្រុលទៅបុកចូលផ្ទះប្រជាពលរដ្ឋលក់ចាប់ហួយ តែមិនបណ្តាលអោយអ្នកណាម្នាក់រងរបួសនោះទេ ចំណែកទ្រព្យសម្បត្តិម្ចាស់ផ្ទះខូចខាតមួយចំនួន។
ប្រភពបន្តអោយដឹងថា៖ ក្រោយកើតហេត ឃើញមាន កម្លាំងសមត្ថកិច្ច នគរបាលក្រុងប៉ោយប៉ែត ផ្នែកចរាចរណ៍ ផ្លូវគោក ចុះមក សម្រួល និង វាសវែង នាំយកអ្នកបើកបរ ព្រមទាំង រថយន្ត ទៅដោះស្រាយគ្នានៅអធិការដ្ឋាននគរបាលក្រុងប៉ោយប៉ែត។
ដោយឡែក បើតាមលើកឡើង មតិ ពីមហាជន ដែលបានឃើញហេតុការណ៍គ្រោះថ្នាក់ចរាចរណ៍នេះ បានលើកឡើងថា "សង្ស័យអ្នកបើកបរ រថយន្ត នោះ ស្រវឹង រឺទើបចេញពី ក្លិប" ចឹងទេសូមសំណូមទៅដល់លោកនាយផ្នែកចរាចរណ៍ ក្រុង ពិនិត្យ ជាតិស្រវឹង ផង នឹង ដាក់ទោស ផាកពិន័យ ទៅតាមផ្លូវច្បាប់ ដើម្បីអោយរាងចាល និងដើម្បីកុំអោយប្រជាពលរដ្ឋដែលមានរថយន្ត យកគំរូតាម៕
អត្ថបទដោយ: លោក ជួង វិសិដ្ឋ និពន្ធនាយក
