តើលោក ណាង ម្ចាស់សង្វៀមជល់មាន់ និងអាប៉ោង មានឥទ្ធិពលធំជាងលោកអធិការស្រុកបន្ទាយមាសម៉ែនទេ? ទើបបើកលេងបានយ៉ាងរលូននៅក្នុងទឹកដីឃុំត្នោតចុងស្រល់.!!!
ខេត្តកំពត៖ មានសេចក្តីរាយការណ៍មកថា សង្វៀនជល់មាន់ និងអាប៉ោងដ៏ធំ មួយកន្លែង បាំងដោយរបងស័ង្គសី ជារបស់ លោក ណាង ឋិតក្បែប៉ុស្តិ៍រដ្ឋបាលត្នោតចុងស្រល់ ស្ថិតនៅក្នុងភូមិ/ឃុំត្នោត ចុងស្រស់ ស្រុកបន្ទាយមាស ខេត្តកំពត ទើបតែសសម្ភោធអោយភ្ញៀវចូលលេងនៅថ្ងៃទី០៧ ខែមករា ឆ្នាំ២០២២ ស្វាគមន៍អោយអ្នកញៀនលេងល្បែងចូលទៅលេងយ៉ាងគក្រឹកគក្រេង តែមិនទាន់ឃើញមានអាជ្ញាធរមានសមត្ថកិច្ចក្នុងមូលដ្ឋាន ដឹកនាំកម្លាំង ចុះទៅណែនាំ និងបងបង្កាប នៅឡើយទេ សង្ស័យថា លោក ណាង បានចាយ ឥទ្ធិពលដុល្លារ $.$.$ ជូនអស់ហើយទេដឹងណ៎!។
ប្រភពពីប្រជាពលរដ្ឋបានបន្តអោយដឹងថា ម្ចាស់ទីតាំងខាងលើនេះទំនងមានខ្នងបង្អែកដ៏រឹងមាំហើយមើលទៅ បានជាហានបើកអោយលេង ដោយមិនខ្វល់ពីការរំខានដល់អ្នកជិតខាងឡើយ ហើយម្យ៉ាងវិញទៀតមុននឹងចាប់ផផ្តើមបើកអោយលេង គឺមានរៀបចំធ្វើពីធីសម្ភោធ ដោយមានការផឹកស៊ីសប្បាយស្រេកហូរកញ្ជ្រៀវគងរំពងទៀតផង។
ពាក់ព័ន្ធបញ្ហាខាងលើនេះក្រុមអ្នកសារព័ត៌មានជាច្រកស្ថាប័ន បានខលរាយការជូនលោកវរសេនីយ៍ទោ នាក់ ឌឹម អធិការនគរបាលស្រុកបន្ទាយមាស លោកឆ្លើយថា ចាំលោករាយការណ៍ជូនថ្នាក់លើសិន ដោយឡែកលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត ខណៈខលចូលហើយក៏ស្រាប់តែចុចបិតទូរស័ព្ទទៅវិញ។
ជុំវិញបញ្ហាខាងលើនេះប្រជាពលរដ្ឋបានសម្ដែងការព្រួយបារម្ភ និងភ័យខ្លាច កើតមានបទល្មើសផ្សេងៗដូចជា អំពើចោរកម្ម លួច ឆក់ ប្លន់ អំពើហិង្សាក្នុងគ្រួសារ និងបទល្មើសជួញដូរនិងប្រើប្រាស់គ្រឿងញៀន ជាដើម។ល។ ព្រោះមានពលរដ្ឋខ្លះចាញ់ល្បែង លក់អស់ទ្រព្យសម្បត្តិដីធ្លី និងជំពាក់បំណុលគេ ជុំទិស បង្កជាបញ្ហាអសន្តិសុខសង្គមជាដើម ដែលកើតចេញពីល្បែងស៊ីសង ជាច្រើនប្រភេទទាំងនេះ។
គួររំលឹកផងដែរថា៖ ពាក់ព័ន្ធការលេងល្បែងស៊ីសងគ្រប់ប្រភេទ ថ្នាក់ដឹកនាំកំពូលៗ ក៏បានចេញបទបញ្ជាយ៉ាងម៉ើងម៉ាត់ហើយដែរអោយមន្ត្រីថ្នាក់ក្រោមត្រូវទទប់ស្កាត់អោយខានតែបាន មិមិនត្រូអោយកើតមានឡើយ ដើម្បីអោយស្របតាមគោលនយោបាយភូមិ ឃុំ មានសុវត្ថិភាពទាំង៩ចំណុច របស់ប្រមុខរាជរដ្ឋាភិបាលកម្ពុជា ដែលបានដាក់ចេញ បើសិនជាមាន ហើយគ្មានការទប់ស្កាត់នៅមូលដ្ឋាខខ្លួននោះ មន្ត្រីមូលដ្ឋាននោះត្រូវទទួលខុសត្រូវចំពោះមុខច្បាប់។ ម្យ៉ាងវិញទៀតបើយោងតាមច្បាប់ស្តីពីការបង្ក្រាប់ល្បែងស៊ីសងជំពួក១ មាត្រា១ .ត្រូវហាមឃាត់ជាដាច់ខាតការលេងល្បែងស៊ីសងគ្រប់ប្រភេទ នៅគ្រប់ទីកន្លែងទូទាំងព្រះរាជាណាចក្រកម្ពុជា,ជំពូក៣ មាត្រា៤.ជនណាលេងល្បែងស៊ីសងជននោះត្រូវផ្តន្ទាទោសពិន័យជាប្រាក់ ឬដាក់គុក។ ក្នុងជំពូកដដែល មាត្រា១១.ជនណាដែលចេញមុខការពារវង់ល្បែងស៊ីសងឬបនល្បែងស៊ីសងគ្រប់ប្រភេទនៅទីណាក៏ដោយ ត្រូវផ្តន្ទាទោសដាក់គុកពី១ឆ្នាំដល់៥ឆ្នាំទៀតផង៕
