រាជធានីភ្នំពេញ៖ លោកឧត្តមសេនីយ៍ទោ ឈឿន ប៊ុនឆន ប្រធាននាយកដ្ឋាននគរបាលវិទ្យុទាក់ទងនៃអគ្គស្នងការដ្ឋាននគរបាលជាតិ នៅយប់ថ្ងៃទី០៨ ខែសីហា ឆ្នាំ២០២២ បានធ្វើការរិះគន់នៅលើហ្វេសប៊ុកផ្លូវការរបស់លោក ទៅលើម្ចាស់មន្ទីរពហុព្យាបាល និងសម្ភព ម្លិះ ដង្កោ ថា បើម្ចាស់មន្ទីរពហុព្យាបាលនេះ ជាជនជាតិខ្មែរ ១០០ ភាគរយ មិនអសីលធម៌ និងមិនអាក្រក់ឈាមខ្មៅបែបនេះឡើយ។ ឧត្តមសេនីយ៍ទោ ឈឿន ប៊ុនឆន ថ្លែងថា កុមារនេះ ជាកូនបុគ្គលិករបស់លោក ហើយកុមារនេះ លួចទៅធ្វើជាងសំណង់ទាំងខ្លួនឯងអាយុទើបតែ១៤ឆ្នាំ ដោយជីវភាពគ្រួសារក្រីក្រ ។ ឧត្តមសេនីយ៍ទោ ឈឿន ប៊ុនឆន បន្តថា នាថ្ងៃទី០៨ ខែសីហានេះ ក្មេងនោះបានជួបគ្រោះថ្នាក់ចរាចរណ៍ តាំងពីថ្ងៃមេឃនៅមានពន្លឺថ្ងៃ និងត្រូវដឹកទៅសង្គ្រោះនៅមន្ទីរពហុព្យាបាល និងសម្ភព ម្លិះ ដង្កោ ស្ថិតនៅផ្លូវ២១៧ ភូមិខ្វា សង្កាត់ដង្កោ ខណ្ឌដង្កោ ។ ជនរងគ្រោះម្នាក់ក្នុងចំណោម២នាក់ បានបាត់បង់ជីវិតបាត់ទៅហើយ នៅសល់តែកុមារម្នាក់នេះរងរបួសធ្ងន់ដែលត្រូវបញ្ជូនទៅកាន់មន្ទីរពេទ្យគន្ធបុប្ផា។ ប៉ុន្ទែមន្ទីរពហុព្យាបាលនេះ មិនព្រមបញ្ជូនកុមារនោះចេញឡើយដោយសារម្តាយជនរងគ្រោះពុំមានប្រាក់បង់គ្រប់ចំនួន៤២០ដុល្លារអាមេរិកតាមការចេញវិក័យបត្រ ម្តាយក្មេងរងគ្រោះបានសំពះអង្វរសុំបង់ ២០០ដុល្លារ សិន។ ឧត្តមសេនីយ៍ទោ ឈឿន ប៊ុនឆន បានឱ្យដឹងទៀតថា ឪពុកក្មេងនោះជាបុគ្គលិក បើកគ្រឿងចក្រធ្វើការឱ្យលោកដែលបច្ចុប្បន្នឪពុកកំពុងជាប់ភារកិច្ចជួយធ្វើប្រឡាយ និងធ្វើផ្លូវជូនប្រជាជននៅឃុំទឹកថ្លា ខេត្តព្រៃវែង ដែលមិនគិតប្រាក់សូម្បីមួយរៀល។ ឧត្តមសេនីយ៍ទោ ឈឿន ប៊ុនឆន បានចោទជាសំណួរថា ឯណាទៅសីលធម៌សង្គម ? ដោយសារតែលុយ ២២០ដុល្លារ សុខចិត្តទុកឱ្យក្មេងស្លាប់ឬ ? លោក ឈឿន ប៊ុនឆន ទើបតែទទួលបានព័ត៌មាន ពិតជាហួសចិត្តនឹងម្ចាស់ពេទ្យនោះណាស់តែលោកជឿថា ប្រហែលពួកគាត់ជាកូនកាត់ ពីព្រោះបើជនជាតិខ្មែរពិតប្រាកដមិនអាក្រក់ឈាមខ្មៅយ៉ាងនោះទេ។ ម្យ៉ាងលោកក៏ឆ្ងល់នឹងតម្លៃលើវិក័យបត្រនេះផងដែរ។ លោក ឈឿន ប៊ុនឆន បន្ថែមថា អ្នកក្រជួបទុក្ខ រងចាំតែស្លាប់ទៅ… នេះហើយផ្នែកមួយជាដំបៅនៃសង្គមយើងសព្វថ្ងៃ.. ។ សូមជម្រាបថា កាលពីអំឡុងឆ្នាំ២០១៦ លោក ឈឿន ប៊ុនឆន ជាអតីតអធិការស្រុកកោះធំ មានស្នាដៃដឹកនាំកម្លាំងឆ្មក់បង្ក្រាបជនជាតិយួនចូលមកនេសាទខុសច្បាប់កាលនោះធ្វើឱ្យមហាជនជាច្រើនមានការគាំទ្រយ៉ាងខ្លាំង ។ ការខិតខំប្រឹងប្រែងរបស់លោកត្រូវបានថ្នាក់លើតែងតាំងជាប្រធាននាយកដ្ឋានវិទ្យុទាក់ទងនៃអគ្គស្នងការដ្ឋាននគរបាលជាតិរហូតមកដល់ពេលនេះ៕
ព័ត៌មានគួរចាប់អារម្មណ៍
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា សង្ឃឹមយ៉ាងមុតមាំថា បទវិន័យនគរបាលជាតិកម្ពុជាថ្មីនេះ នឹងធ្វើឱ្យកងកម្លាំងនគរបាលជាតិ ប្រកាន់ខ្ជាប់នូវវិន័យ មានឥរិយាបថថ្លៃថ្នូរ មានក្រមសីលធម៌វិជ្ជាជីវៈ ស័ក្តិសមជាអ្នកបម្រើនិងការពារប្រជាពលរដ្ខ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា