គ្រោះធម្មជាតិ យ៉ាងហោចណាស់មនុស្ស៥នាក់ បានរបួសនិង ស្លាប់ ខណ:សត្វគោ៤ក្បាល បានងាប់ នៅស្រុកពួក ចំនួនបីទីតាំងផ្សេងគ្នា ដែលហេតុការណ៍នេះបានកើតឡើង ខណ:មានភ្លៀងធ្លាក់យ៉ាងខ្លាំង ព្រមទាំងមានខ្យល់កន្ត្រាក់ ផ្គររន្ទះ រន្ទះបានបាញ់ នៅរសៀល ថ្ងៃអាទិត្យ ម្សិលមិញ ក្នុងភូមិសាស្ត្រ ស្រុកពួក ឃុំមុខប៉ែន និង ឃុំសសរស្ដម្ភ។ របាយការណ៍បានបង្ហាញថា ករណីទី១ : រន្ទះបាញ់នៅចំណុចវាលស្រែរំដេញ ខាងត្បូងភូមិចម្ងាយប្រហែល១០០០ម៉ែត្រ ស្ថិតនៅភូមិត្រកៀត ឃុំមុខប៉ែន ស្រុកពួក ខេត្តសៀមរាប ណ្ដាលឲ្យរងរបួស ៤នាក់ / និងស្លាប់ ១នាក់ ខណ:ពេលពួកគាត់កំពុងភ្ជួរស្រែព្រោះស្រូវ គឺ: ១.ជនរងគ្រោះឈ្មោះ ពេញ វណ្ណឆារ៉ា ភេទប្រុស អាយុ ១៣ឆ្នាំ (ស្លាប់) ។ ២.ជនរងគ្រោះឈ្មោះ កែវ រដ្ឋា ភេទប្រុស អាយុ ១៧ឆ្នាំ (របួស)។ ៣.ជនរងគ្រោះឈ្មោះ វ៉ាត មិថុនា ភេទប្រុស អាយុ ៣៣ឆ្នាំ (របួស)។ ៤.ជនរងគ្រោះឈ្មោះ ពេជ្រ សម្បត្តិ ភេទប្រុស អាយុ ៤១ឆ្នាំ (របួស)។ ៥.ជនរងគ្រោះឈ្មោះ ហាន់ ហាយ ភេទប្រុស អាយុ ១៩ឆ្នាំ (របួស) អ្នកទាំង៥នាក់ រស់នៅ ក្នុងភូមិកើតហេតុខាងលើ ជុំគ្នាត្រូវបានសង្រ្គោះ និងកំពុងព្យាបាលនៅមណ្ឌលសុខភាពសសរស្ដម្ភ ២នាក់ , នៅមន្ទីរពេទ្យបង្អែកពួក ស្រុកពួក ១នាក់ និងនាក់របួសស្រាល ឆ្អើរភ្លើងនៅផ្ទះ។ ករណីទី២ : រន្ទះបាញ់សត្វគោ នៅចំណុចវាលស្រែទំនប់៧៨ ស្ថិតក្នុង ភូមិមុខប៉ែន ឃុំមុខប៉ែន ស្រុកពួក ខេត្តសៀមរាប បណ្ដាលឲ្យងាប់សត្វគោធំ ៣ក្បាល (ញី ២ក្បាល/ឈ្មោល ១ក្បាល) ដែលម្ចាស់ចងនៅវាលស្រែ -ម្ចាស់សត្វគោទី១.ឈ្មោះ ជា អាត់ ភេទប្រុស អាយុ ៤៣ឆ្នាំ (គោញី២ក្បាល)។-ទី២.ម្ចាស់សត្វគោឈ្មោះ ហូ ហ៊ាម ភេទស្រី អាយុ ៦៥ឆ្នាំ (គោឈ្មោល១ក្បាល) ជាកសិករ រស់នៅ ភូមិមុខប៉ែន ឃុំមុខប៉ែន ស្រុកពួក ខេត្តសៀមរាប។ ករណីទី៣ : រន្ទះបាញ់សត្វគោ នៅចំណុចវាលស្រែថ្នល់ចាស់ខាងត្បូងភូមិចម្ងាយប្រហែល ៥០០ម៉ែត្រ ស្ថិតក្នុង ភូមិគោកត្លាត ឃុំសសរស្ដម្ភ ស្រុកពួក ខេត្តសៀមរាប បណ្ដាលឲ្យងាប់សត្វគោញីធំ ១ក្បាល ម្ចាសគោឈ្មោះ ធិក ថា ភេទប្រុស អាយុ ៦១ឆ្នាំ ជាកសិករ រស់នៅក្នុង ភូមិ/ឃុំកើតហេតុខាងលើ ខណ:ពេលម្ចាស់ចងនៅវាលស្រែ ហើយម្ចាស់ជ្រកភ្លៀងឆ្ងាយពីសត្វគោ៕
ព័ត៌មានគួរចាប់អារម្មណ៍
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា សង្ឃឹមយ៉ាងមុតមាំថា បទវិន័យនគរបាលជាតិកម្ពុជាថ្មីនេះ នឹងធ្វើឱ្យកងកម្លាំងនគរបាលជាតិ ប្រកាន់ខ្ជាប់នូវវិន័យ មានឥរិយាបថថ្លៃថ្នូរ មានក្រមសីលធម៌វិជ្ជាជីវៈ ស័ក្តិសមជាអ្នកបម្រើនិងការពារប្រជាពលរដ្ខ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា