ភ្នំពេញ៖ សមត្ថកិច្ចការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ បានធ្វើការឃាត់ខ្លួនជាបន្តបន្ទាប់ ក្នុងនោះមានអ្នកសារព័ត៌មាន០២រូប គឺនៅអង្គភាពព័ត៌មានK01 ០១នាក់ និងអង្គភាពសារព័ត៌មាន VBN ០១នាក់ ព្រមទាំងគូរកនចំនួន០៥នាក់ និងបានបង្ហាញមុខជាសាធារណៈនៅថ្ងទី១១ ខែកញ្ញា ឆ្នាំ២០២០ នេះ ដែរក្រុមជនសង្ស័យខាងលើគឺពាក់ព័ន្ធបទល្មើសលួចទ្រព្យសម្បត្តិក្នុងឡានប្រជាពលរដ្ឋរហូតដល់៥ ករណីឯណោះ ។ ជនសង្ស័យទាំង៧នាក់ដែលសមត្ថកិច្ចបង្ហាញមុខរួមមាន៖ ទី១-ឈ្មោះ ងី កប អាយុ ៣៧ឆ្នាំ មុខរបរជាអ្នកបើកបររថយន្ត។ ទី២-ឈ្មោះហ៊ុន ណាត អាយុ៤៥ឆ្នាំ មុខរបរសារព័ត៌មានVBN។ ទី៣- ឈ្មោះ យិន ធី ហៅតឿ អាយុ ៤២ឆ្នាំ មុខរបរលក់ទូរស័ព្ទ។ ទី៤-ឈ្មោះ ឆយ សុផល ហៅយ៉ាម៉ាហា មុខរបរអ្នករត់ម៉ូតូឌុប។ ទី៥- ឈ្មោះ សំ សិលាចិត្រា អាយុ៤៤ឆ្នាំ មុខរបរអ្នករត់ម៉ូតូឌុប។ ទី៦-ឈ្មោះ សួង ដែន អាយុ ៣៦ឆ្នាំ មុខរបរសារព័ត៌មាន K01។ ទី៧-ឈ្មោះ ចែម សំណាង អាយុ៣៩ឆ្នាំ មុខរបរមិនពិតប្រាកដ។ សូមបញ្ជាក់ផងដែរថា កាលពីថ្ងៃទី១០ ខែកញ្ញា ឆ្នាំ២០២០ លោក ឃឿន សុឡា ហៅ K01 បានចេញលិខិតបញ្ជាក់ថា ឈ្មោះ សួង ដែន ហៅ K98 ពិតជាអ្នកសារព័ត៌មាន វេនយប់ របស់អង្គភាពប្រាកដមែន។ បើយោងតាមសមត្ថកិច្ចបានអោយដឹងថា៖ ដោយមានជនរងគ្រោះជាបន្តបន្ទាប់ បានបាត់បង់ទ្រព្យសម្បត្តិ ដែលមានតម្លៃ នៅក្នុងរថយន្តរបស់ខ្លួនបាត់ ទើបមកដាក់ពាក្យបណ្ដឹង ទើបសមត្ថកិច្ចបើកការស្រាវជ្រាវ និងស៊ើបអង្កេតតាមដាន រហូតឈានទៅដល់ធ្វើការឃាត់ជនសង្ស័យបានចំនួន៧នាក់ជាបន្តបន្ទាប់ និងដកហូតវត្ថុតាងមួយចំនួន ។ បច្ចុប្បន្ន: ជនសង្ស័យចំនួន៧នាក់ រួមនិងវត្ថុតាងខាងលើ សមត្ថកិច្ចការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ កំពុងកសាងសំណុំរឿងបញ្ជូន ទៅសាលាដំបូង រាជធានីភ្នំពេញចាត់ការតាមនីតិវិធី៕ ដោយៈ លោក សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com