ក្រុមហ៊ុនអជីវកម្មកាយដី នៅចំណុចភូមិសាស្រ្ត ភូមិដំណាក់លួង សង្កាត់វត្តគរ ក្រុង/ខេត្តបាត់ដំបង ត្រូវបានគេដឹងថា៖ ជាក្រុមហ៊ុនរបស់លោក ហេង អេង
ខេត្តបាត់ដំបង៖ ក្រុមហ៊ុនអជីវកម្មកាយដី នៅចំណុចភូមិសាស្រ្ត ភូមិដំណាក់លួង សង្កាត់វត្តគរ ក្រុង/ខេត្តបាត់ដំបង ត្រូវបានគេដឹងថា៖ ជាក្រុមហ៊ុនរបស់លោក ហេង អេង
បើយោងតាមប្រភពប្រជាពលរដ្ឋ នៅជុំវិញតំបន់នោះ សុំមិនបញ្ចេញឈ្មោះ បានបង្ហើបថា៖ ពួកគាត់ពិតជាមានការព្រួយបារម្មខ្លាំងណាស់ ពីបញ្ហាផ្សេងៗដែលអាចបង្កផលប៉ះពាល់ បរិស្ថាននៅក្នុងតំបន់របស់ពួកគាត់ មិនថាជាបញ្ហារអ្វីនោះទេ។
ហើយក្នុងមួយរយៈកន្លងមក គេពុំដែលឃើញអស់លោកមន្ត្រីជំនាញ ពាក់ព័ន្ធក្នុងខេត្ត ពិសេស មន្ត្រីមន្ទីរឧស្សាហ៍កម្ម ថាមពល និងរ៉ែ ចុះទៅរំខានម្តងណាឡើយ ឃើញតែម្ខាងក្រុមហ៊ុនធ្វើអជីវកម្មយ៉ាងរលូន ។
ម្យ៉ាងទៀតគេក៏នៅពុំដឹងថា៖ ច្បាប់ក្រិដ្ឋរដ្ឋាភិបាល នៃក្រសួងពាក់ព័ន្ធកំណត់ច្បាប់ ការជីកកកាយព្រះធរណីនោះ អនុញាត្តិអោយជីកបាននូវជម្រៅប៉ុណ្ណានោះទេ? បានជាក្រុមហ៊ុនមួយនេះ ជីកជ្រៅយ៉ាងដូច្នេះ។
បើសិនតាមច្បាប់ត្រូវអោយកាយចំស្ដង់ដា គឺអនុញ្ញាតអោយកាយ ពីព្រំដីមកប្រវែង០៥ម៉ែត្រ ហើយជំម្រៅវិញ គឺ០៦ម៉ែត្រ ចុះមកក្រោម មិនមែនកាយរហូត ឃើញក្បាលប្រែត ហើយនៅតែកាយនោះទេ ខុសទៅហ្នឹងច្បាប់ចែងមកហើយ ។
ទាក់ទងជុំវិញនិងបញ្ហានេះដែរ ក្រុមអ្នកយកសាព័ត៌មានយើង មិនអាចទំនាក់ទំនង និងសុំការបំភ្លឺពីលោក ទូច សៅរិទ្ធ មន្រ្តីមានអំណាចនៃមន្ទីរឧស្សាហ៍កម្ម ថាមពល និងរ៉ែ បានឡើយ។ ចំណែកលោក ហេង អេង វិញក៍មិនអាចទំនាក់ទំនងបានដែរ ព្រោះលោក មិនលើកតេលេហ្វូន ៕
