មន្ត្រីជំនាញសាខាកាំកុងត្រូលខេត្តបន្ទាយមានជ័យ ចុះត្រួតពិនិត្យលើមុខទំនិញ ចំនីអាហារជាច្រើនមុខ និងបានដកហូត បបែល ងៀត មានសារធាតុ បូរ៉ាក់ ចំនួន២៩ គីឡូក្រាម..!!!
ខេត្តន្ទាយមានជ័យ៖ ក្រុងប៉ោយប៉ែតៈនាព្រឹកថ្ងៃចន្ទ័ ទី១៥ ខែតុលា ឆ្នាំ២០១៨ នេះ វេលាម៉ោង១១និង៣០នាទីព្រឹក លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមាជ័យ បានបន្តដឹកនាំកម្លាំងផ្ទាល់ និងលោក ហុង លៀង អនុប្រធានសាខាកាំកុងត្រូល និងជាប្រធានផ្នែកទីផ្សារ បានចុះត្រួត ពិនិត្យ ទំនិញ និង បានរកឃើញ បបែលងៀត ផ្អែម១៩គីឡូកន្លះ និង បបែលងៀត ប្រៃ ៤ គីឡូក្រាម ដែលមានសារធាតុ បូរ៉ាក់ គីមី តូបទី១។ តូបទី២ ក្នុងផ្សារត្រី ប៉ោយប៉ែត ដដែល និងបានរកឃើញ បបែល ងៀត ផ្អែម-ប្រៃ ដែលមាន សារធាតុ បូរ៉ាក់ គីមី ចំនួន ៥គីឡូកន្លះ សរុបទាំងអស់មានចំនួន២៩គីឡូក្រាម ត្រូវបានមន្រ្តីសាខាកាំកុងត្រូល ដកហូត និង បន្តយកទៅរក្សារទុកនៅស្នាក់ការកាំកុងត្រូលប៉ោយប៉ែត ដើម្បីធ្វើការស្រាវជ្រាវ រកអ្នកផលិត ដើម្បីធ្វើការហាមឃាត់ឈប់អោយផលិត និងធ្វើការផាកពិន័យ ទៅតាមនីតិវិធី។
ដោយមានការណែនាំពីលោក ម៉ក ពេជ្ជរិទ្ធ អគ្គនាយកនៃអគ្គនាយកដ្ឋានកាំកុងត្រូល ពេលចុះត្រួតពិនិត្យ លទ្ធិផលជាក់ស្តែង គឺត្រូវដកហូត។ ជាមួយគ្នានេះដែល លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យ សូមអំពាវនាវទៅដល់អ្នកទិញយកមកលក់ ជាពិសេសសូមអោយបងប្អូន អ្នកដែលនិយម ចូលចិត្តទិញយកទៅខ្លែម សូមឈប់ទិញជាបន្ទាន់ ហើយលោក ក៏បានបញ្ជាក់ផងដែលថា៖ប្រសិនបើ បបែល ងៀត នេះ នាំចូលមកពីបរទេស ប៉ែកខាងកើតមែននោះ វានិងនាំចូលជ្រៀតដាក់លក់នៅលើទីផ្សារទូទាំងប្រទេសកម្ពុជា ច្រើនណាស់ លោកបានបញ្ជាក់បន្ថែមទៀតថា៖ សូមអោយបងប្អូនដែលនិយមខ្លែម បបែលងៀត គឺឈប់ទិញជាបន្ទាន់ ព្រោះនេះ ភស្តុតាងជាក់ស្តែង ចំណែកនៅខាងរាជធានីភ្នំពេញ មន្ត្រីសាខាកាំកុងត្រូលក្រុង ក៏បានរកឃើញ បបែល ងៀតក្រៀម ដែលមានសារធាតុ បូរ៉ាក់ គីមី ផងដែល។
លោក សាន វិជ្ជាសារ៉ាវុធ សូមបញ្ជាក់ផងដែលថា៖ វាមានផលពិបាក់ខ្លាំងណាស់ ឥឡូវនេះមានដាក់សារធាតុ បូរ៉ាក់ គីមី ក្នុងសាច់ បបែល ងៀត ក្រៀម កាលណាបងប្អូនទិញយកទៅខ្លែម វានិងមានផលប៉ះពាល់ធ្ងន់ធ្ងណាស់ ដល់សុខភាព លោកបន្តទៀតថា៖ ៥ក្រាមសម្រាប់កុមា និង ១៥ ក្រាម សម្រាប់មនុស្សចាស់ គឺពុលក្អួត ចេញឈាមស្លាប់ភ្លាមៗតែម្តង៕
រាយការណ៍ដោយៈ លោក ជួង វិសិដ្ឋ និពន្ធនាយក