ខេត្តបន្ទាយមានជ័យ​៖ ក្រុងប៉ោយប៉ែតៈ នៅយប់ថ្ងៃទី២០ ខែតុលា ឆ្នាំ២០១៨ នៅវេលាម៉ោង០០និង៣០នាទី រំលងអាធ្រាត មានករណីហឹង្សា រវាងជនជាតិចិន និង ជនជាតិខ្មែរ នៅចំណុច បូរីហ្គូឡាក់ ស្ថិតក្នុងភូមិសាមគ្គីមានជ័យ សង្កាត់ និង ក្រុងប៉ោយប៉ែត ខេត្តបន្ទាយមានជ័យ។ បើតាមប្រភពពីសមត្ថកិច្ចបានអោយដឹងថា៖ បន្ទាប់ពីកើតហេតុរួច ជនជាតិខ្មែរ បានគេចខ្លួនបាត់អស់ នៅសល់តែជនជាតិចិន បានទៅប្រមូលគ្នីគ្នា ដែលជាជនជាតិចិនដូចគ្នា មានប្រដាប់ដោយដែកទីប អំបោស បានដេញតាមរកជនជាតិខ្មែរ ត្រូវបានកំលាំងសមត្ថកិច្ចនគរបាល ក្រុងប៉ោយប៉ែត និងអាវុធហត្ថក្រុងប៉ោយប៉ែត ចុះអន្តរាគមន៍ នាំខ្លួនជនជាតិចិនចំនួន ១៣ នាក់ យកមកសួរនាំនៅអធិការដ្ឋាននគរបាលក្រុងប៉ោយប៉ែត។ ករណីបង្កហឹង្សាខាងលើ រវាងជនជាតិចិន១៧នាក់ និង ជនជាតិខ្មែរ ចំកណ្តាលទីក្រុងប៉ោយប៉ែត នេះ សមត្ថកិច្ចចម្រុះបានចុះប្រតិបត្តិការណ៍ធ្វើការបង្ក្រាបជនជាតិចិន បង្ខំចិត្តផ្ទុះអាវុធជាច្រើនគ្រាប់ ទើបឃាត់ខ្លួនចិនទំនើងបាន១៣នាក់ គឺដោយសារតែ ជនជាតិចិន ទំនើងមួយក្រុមនេះ ប្រុងតដៃនិងសមត្ថកិច្ច។ ជុំវិញមជ្ឈដ្ឋាន ពីប្រជាពលរដ្ឋ បានសម្តែងនូវការព្រួយបារម្ភ ភ័យខ្លាចជាខ្លាំង ចំពោះជនជាតិចិន ដែលបានចូលមករស់នៅប្រទេសកម្ពុជា ច្រើនឡើងៗ ហើយប្រជាពលរដ្ឋ រស់នៅក្រុងប៉ោយប៉ែត បានឃើញហេតុការណ៍ បង្កហឹង្សាដែលជាជនជាតិចិនដូចគ្នា មានប្រដាប់ដោយដែកទីប ដងអំបោស បានដេញតាមរកវ៉ៃជនជាតិខ្មែរ ជាក្រុមដូចគោហ្វូង កាលពីអាធ្រាតយប់មិញនេះ។ បើយ៉ោងតាមប្រជាពលរដ្ឋទូទៅ បាមសម្តែងការមិនពេញចិត្ត នូវទង្វើរបស់ជនជាតិចិន ដែលមករស់នៅប្រទេសកម្ពុជា ហ៊ានដេញវ៉ៃ ជនជាតិចិនយ៉ាងអណាធិបតេយ្យ ទង្វើបែបនេះ ប្រភពពីជាពលរដ្ឋបានលើកឡើងបន្តទៀតថា៖ សូមអោយអាជ្ញាធរក្រុង និងកងកំលាំងមានសមត្ថកិច្ច ក្រុងប៉ោយប៉ែត សូមមានចំណាត់ការ ទៅលើជនជាតិចិន ទាំងនេះអោយរាងចាលផង បើមិនដូច្នោះទេ ថ្ងៃក្រោយពួកជនជាតិចិន ទាំងនេះដើបង្កចលាចលពេញទីក្រុងប៉ោយប៉ែត កាន់តែសារហាវថែមជាងនេះតទៅទៀត ជាក់ជាមិនខានឡើយ៕ រាយការណ៍ដោយៈ លោក ជួង វិសិដ្ឋ និពន្ធនាយក www.poipetpostnews.com