លោក ខាន់ រ៉ាត់ ប្រធានសាខាកាំកុងត្រូលខេត្តឧត្តរមានជ័យ កំពុងឃុបឃិតជាមួយឈ្មួញនាំសត្វរស់នឹងទំនិញខូចគុណភាពពីប្រទេសថៃចូលមកកម្ពុជា ដោយគ្មានការត្រួតពិនិត្យត្រឹមត្រូវ.!!!
ខេត្តឧត្តរមានជ័យ៖ នៅព្រឹកថ្ងៃទី២២ ខែតុលា ឆ្នាំ២០១៨ នេះ គូសបញ្ជាក់អោយឃើញថា៖ សត្វមាន់ ទា ជ្រូក គ្រឿងទេស និង ប្រហិតគ្រប់ប្រភេទ រួមទាំងគ្រឿងកំប៉ុងខូចគុណភាព កំពុងឆ្លងកាត់ពីប្រទេសថៃ ចូលមកកម្ពុជា តាមច្រកអន្តរាជាតិអូស្មាច់ ចូលមកក្នុងខេត្តឧត្តរមានជ័យ នៅតែមានការដឹកជញ្ជូនដោយរថយន្តកាមរី រថយន្តច្នៃកាត់ទ្រុង រថយន្តសាំយ៉ុង និងរថយន្តធំៗ ដោយយ៉ាងតិច៣០យន្តក្នុងមួយថ្ងៃៗ និងបន្តឆ្ពោះទៅចែកចាយនៅតាមបណ្តាខេត្តមួយចំនួនដូចជា ខេត្តសៀមរាប កំពង់ធំ ព្រះវិហារ និងខេត្តដ៍ទៃៗទៀត។
សកម្មភាពដឹកជញ្ជូនរាល់ថ្ងៃនេះ ត្រូវបានមន្ត្រីប្រចាំច្រកលួចបង្ហើបអោយដឹងថា៖ មិនមាន ការត្រួតពិនិត្យត្រឹមត្រូវ ពីសំណាកលោក ខាន់ រ៉ាត់ ប្រធានសាខាកាំកុងត្រូលខេត្តឧត្តរមានជ័យ នោះឡើយ ដោយមានការឃុបឃិតគ្នា រវាងពួកឈ្មួញជាមួយលោក ខាន់ រ៉ាត់ នេះតែម្តង ។ យោងតាមសម្តីប្រជាពលរដ្ឋក្នុងខេត្តឧត្តរមានជ័យ បានអោយដឹងថា៖ បច្ចុប្បន្ននេះពួកគាត់ក៏ដូចជាប្រជាពលរដ្ឋដទៃទៀត កំពុងតែមានសុខភាពមិនប្រក្រតីដោយចេះតែមានជម្ងឺផ្សេងៗដោយមិនដឹងមូលហេតុ ជាពិសេសកូនៗរបស់ពួកកាត់ ពីព្រោះពួកគាត់តែងតែបរិភោគសាច់មាន់ទាជ្រូកនិងប្រហិតគ្រប់ប្រភេទ ដែល នាំចូលពីប្រទេសថៃ ។
ពាក់ពន្ធ័និងបញ្ហាខាងលើនេះ ប្រជាពលរដ្ឋសុំអំពាវនាវដល់លោក ប៉ាន់ សូ សក្ត័ រដ្ឋមន្ត្រីក្រសួងពាណិជ្ជកម្មនិងលោក ម៉ក់ ពេជរឹទ្ធ អគ្គនាយកដ្ឋានកាំកុងត្រូល មេត្តាមានវិធាន ការចំពោះពួកមន្ត្រីបែបនេះ ដើម្បីជួយដល់សុខភាពប្រជាបលរដ្ឋទូទៅ និង កុំព្រោះ តែផលប្រយោជន៍បុគ្គលម្នាក់ បណ្តោយអោយសុខភាពប្រជាពលរដ្ឋមានភាពទ្រុតទ្រមជាបន្តរបន្ទាប់នោះឡើុយ ៕