ហួសចិត្ត.!ស្ត្រីម្នាក់ ហ៊ានកុហក់ប្តីចុង និងសមត្ថកិច្ច ថា៖ មានករណីលួចមានស្ថានទម្ងន់ទោស(ប្លន់) យកទ្រព្យសម្បត្តិអស់ជាច្រើនតម្លឹង.!ត្រូវបានកំំងសមត្ថកិច្ចចម្រុះអោយសាម៉ីខ្លួនជនរងគ្រោះនិយាយសុំទោសជាសាធារណៈ.!!!
ខេត្តបន្ទាយមានជ័យ៖ស្ត្រីម្នាក់ ហ៊ានកុហក់ប្តីចុង និងសមត្ថកិច្ច ថា៖ មានករណីលួចមានស្ថានទម្ងន់ទោស(ប្លន់) យកទ្រព្យសម្បត្តិអស់ជាច្រើនតម្លឹង វេលាម៉ោង១៩និង៣០ នាទី ថ្ងៃទី២៣ ខែតុលា ឆ្នាំ២០១៨ តាមពិតគឺស្ត្រីឈ្មោះ បុណ ចន្ថា ជំពាក់បំណុលគេច្រើនពេក។
ស្ត្រីជាប្រពន្ធឈ្មោះ បុន ចន្ថា ភេទស្រី អាយុ ៣៧ ឆ្នាំ គឺបានបំភ្លៃសក្ខីកម្ម (កុហក់) ប្តី ឈ្មោះ ចាន់ ផាត អាយុ៤០ឆ្នាំ ត្រូវជា(ប្តីចុង) នៅភូមិកើតហេតុខាងលើ ក្នុងគោលបំណងកុហក់ប្តី ព្រោះតែស្រ្តីជាប្រពន្ធ (ជនរងគ្រោះ) បានយកលុយមួយចំនួននិងគ្រឿងអល័ង្ការទៅបញ្ចាំដើម្បីយកប្រាក់ ទៅសងបំណុលគេនៅខេត្តព្រៃវែង ដែលខ្លួនជំពាក់គេ ថ្លៃការកូនស្រី(កូនប្តីមុននៅខេត្តព្រៃវែង)កាលពី ឆ្នាំទៅមិញ។
បន្ទាប់មក(ប្តីចុង)ទៅប្តឹងសមត្ថកិច្ចថា៖ មាន ជនសង្ស័យមិនស្គាល់មុខចំនួន០២នាក់ បិតមុខជិត ប្រដាប់ដោយអាវុធខ្លីចំនួន០១ដើម បានចូលទៅក្នុងផ្ទះ បានធ្វើសកម្មភាពភ្ជង់សំឡុតគំរាម មិនអោយជនរងគ្រោះឈ្មោះ បុណ ចន្ថា ភេទស្រី អាយុ៣៧ឆ្នាំ ពីនាក់កូនស្រី
រស់នៅភូមិត្រពាំងសំរោង ឃុំគោករមៀត ស្រុកថ្មពួក ខេត្តបន្ទាយមានជ័យ ស្រែកហើយយកខ្សែភ្លើងចងដៃ និងយកស្គុតរុំមាត់ ពីនាក់កូនស្រី ហើយចូលទៅក្នុងបន្ទប់ជនរងគ្រោះយកទ្រព្យសម្បត្តិអស់រួមមាន៖
1-ខ្សែកមាស01ខ្សែទំងន់05ជី
2-ខ្សែដៃមាស01ខ្សែទំងន់1តម្លឹង
3-ចិញ្ជៀនមាស01វង់ ទំងន់05ជី
4-ខ្សែដៃប្លាកទីន01ខ្សែ ទំងន់03ជី
5-ខ្សែកប្លាកទីន01ខ្សែ ទំងន់4ជី7ហ៊ុន
6-ចិញ្ជៀនប្លាកទីន01វង់ទំងន់02ជី
7-ប្រាក់ថៃ 6000បាត
8-ប្រាក់ខ្មែរ 7,000,000 លានរៀល
ហើយបានបំភ្លៃថា៖ ជនល្មើសពេលធ្វើសកម្មភាពរួច បាននាំគ្នារត់គេចខ្លួនទៅទិសខាងជើងបាត់ទៅ។
ក្រោយពីទទួុលបានពត័មានក្រោមការដឹកនាំបញ្ជាផ្ទាល់ពីលោកឧត្ដមសេនីយ៏ទោ អាត់ ខែម ស្នងការនគរបាលខេត្តបន្ទាយមានជ័យនិងដឹកកំលាំងដោយលោកឧត្តមសេនីយ៏ត្រី សិទ្ធិ ឡោះ ស្នងការរងទទួល ព្រ/ទ លោកអធិការស្រុកថ្មពួក វរៈ៨០៧ សហការជាមួយកំលាំងអាវុធហត្ថស្រុកថ្មពួក ចុះស្រាវជ្រាវ រហូតបំបែកករណីនេះបាននៅល្ងាចថ្ងៃទី២៤ ខែតុលា ឆ្នាំ២០១៨ វេលាម៉ោង១២និង៣០ នាទី ដោយមូលហេតុ ការឆ្លើយសារភាពពីកូនស្រី និង ជនរងគ្រោះ ថា៖ ខ្លួុនបានយក ខ្សែករមាស និង ប្លាកទិនសរុបចំនួុន០២តម្លឹង០៩ជី ០៧ហ៊ុន ទៅលក់បញ្ចាំនៅហាងមួយ ក្នុងផ្សារបឹងត្រកួុន តំលៃ សរុប ៣០០០០ (បីម៉ឺនបាត) ដោយបានអោយកូនស្រីអាយុ១៣ឆ្នាំ និយាយបំភ្លៃសក្ខីកម្ម (កុហក់) ប្តីចុង និងសមត្ថកិច្ចថា៖ មានចោរចូលប្លន់។
លោក សៅ សារឿន អធិការនគរបានស្រុកថ្មពួក បានប្រាប់ សារព័ត៌មាន គេហទំព័រ ប៉ោយប៉ែត ប៉ុស្តិ៍ អោយដឹងថា៖ បន្ទាប់ពី សមត្ថកិច្ចធ្វើការស្រាវជ្រាវ ដឹងរឿងហេតុចប់ កំលាំងសមត្ថកិច្ចចម្រុះ បានអោយសាម៉ីខ្លួុន ជនរងគ្រោះ និយាយសុំទោសជាសាធារណៈ ថា៖ មិនមេនជាករណីប្លន់ទេ គឺដោយសារខ្លួុនជំពាក់បំណុលគេច្រើនពេក កាលដែលខ្លួុនការកូនស្រី កាលពីឆ្នាំទៅមិញ និងជំពាក់ធនាគារ ផងដែល៕