បុរសម្នាក់ ត្រូវរថយន្តបុកស្លាប់ ក្រោយពីបញ្ជូនទៅសង្គ្រោះ នៅមន្ទីរពេទ្យបង្អែកដីថ្មី២...
បន្ទាយមានជ័យ៖ ក្រុងប៉ោយប៉ែត: រថយន្ត លុចស៊ីស ម៉ាកRX300 ពណ៏ប្រាក់ មួយគ្រឿង ឡើងវ៉ាជែង រថយន្ត១ គ្រឿងទៀត ជ្រុលបុកបុរសម្នាក់ស្លាប់់ កាលពីវេលាម៉ោង១២និង៤០នាទីថ្ងៃត្រង់ ថ្ងៃទី២៦ ខែ តុលា ឆ្នាំ២០១៨នេះ។ លើផ្លូវជាតិលេខ៥ ត្រង់ចំណុចខាងលិចក្លោងទ្វារវត្តដុងអារ័ញ្ញ ប្រហែល១០០០ម៉ែត្រ ស្ថិតក្នុងភូមិនិមិត្តថ្មី សង្កាត់និមិត្ត ក្រុងប៉ោយប៉ែត ខេត្តបន្ទាយ មានជ័យ។
សមត្ថកិច្ចប្រាប់ថា៖ មុនកើតហេតុមានម៉ូតូ០១គ្រឿងម៉ាកZoomerX ពណ៏ក្រហម ពាក់ស្លាកលេខ បាត់ដំបង 1AA-8700 បើកបរពីកើតទៅលិច ហើយឡើងជែង ម៉ូតូសណ្តោងរឺម៉ក មួយគ្រឿង ក៏ស្រាប់តែមានរថយន្តតូច០១គ្រឿង ម៉ាកលុចសុីស RX300 ពណ៏ប្រាក់ ពាក់ស្លាកលេខ សៀមរាប 2C-6003 បើកបរពីលិចទៅកើត (ច្រាសទិសគ្នា) បានឡើងវ៉ាជែង រថយន្ត មួយគ្រឿងទៀយ ដែលបើកពីមុខ ក៏ជ្រុលទៅ បុកម៉ូតូខាងលើ បណ្តាលអោយគ្រោះថ្នាក់តែម្តង។
សមត្ថកិច្ចបញ្ជាក់ថា៖ ករណីខាងលើ បណ្តាលអោយអ្នកបើកបរម៉ូតូឈ្មោះ សីុង សឹង ភេទប្រុស អាយុ៦២ ឆ្នាំ រស់នៅក្នុងភូមិ ត្រាង ឃុំ អូតាគី ស្រុកថ្មគោល ខេត្តបាត់ដំបង (រងរបួសធ្ងន់) ហើយសមត្ថកិច្ចធ្វើការអន្តរាគមន៏ហៅរថយន្ត ដឹកយកទៅសង្គ្រោះនៅមន្ទីរពេទ្យបង្អែកដីថ្មី២ តែអកុសលជនរងគ្រោះបានស្លាប់នៅមន្ទីរពេទ្យ ។
ចំណែកអ្នកបើកបររថយន្ត ចុះរត់គេចខ្លួនបាត់ស្រម៉ោល រីឯរថយន្ត(ខូចខាតធ្ងន់) ចំណែកម៉ូតូ(ខូចខាតស្រាល) ហើយបានយកទៅរក្សាទុកនៅប៉ុស្តិ៍និមិត្ត ដើម្បីរងចាំដោះស្រាយតាមនីតិវិធី៕
រាយការណ៍ដោយៈ វិត រិទ្ធ និពន្ធរង គេហទំព័រ ប៉ោតប៊ គេហទំព័រ ប៉ោយប៉ែតប៉ុស្តិ៍ www.poipetpostnews.com