ខេត្តបន្ទាយមានជ័យ៖ ក្រុងប៉ោយប៉ែតៈ នៅព្រឹកថ្ងៃទី០២ ខែតុលា ឆ្នាំ២០១៨ លោកឧត្តមសេនីយ៍ត្រីសិទ្ធ ឡោះស្នងការរងគរបាលខេត្តបន្ទាយមានជ័យលោកសាន ស៊ានហូអភិបាលក្រុងប៉ោយប៉ែត លោកធិន ស៊ិន ដេត អធិការនគរបាលក្រុង លោកគាត់ហ៊ុលចៅសង្កាត់ផ្សារកណ្តាលចូលរួមពិធីប្រកាសផ្ទេរភារកិច្ច នាយការិយាល័យ នាយប៉ុស្តិ៍សង្កាត់ និង តែងតាំងមុខតំណែង មន្ត្រីនគរបាល នៃអធិការនគរបាលដ្ឋានក្រុងប៉ោយប៉ែត និងអស់លោក ស្រី នគរបាលជាច្រើនរូប ។ សេចក្តីប្រកាសរបស់ក្រសួងមហាផ្ទៃលោកអនុសេនីយ៍ឯកបោន សុភក្ត្រា ជានាយផ្នែកសណ្តាប់ធ្នាប់សាធារណៈក្រុងប៉ោយប៉ែត លោកប្រិម សុផល នាយរងប៉ុស្ត៍ិប៉ោយប៉ែតមកជានាយប៉ុស្តិ៍នគរបាលសង្កាត់ផ្សារកណ្តាល ជំនួសលោកមាស ម៉េងហួរ ទៅបំរើការងារនៃការិយាល័យសណ្តាប់ធ្នាប់ នៃស្នងការខេត្ត៕ មតិណែនាំពីលោកឧត្ដមសេនីយ៍ត្រីសិទ្ធ ឡោះ ស្នងការរងនគរបាលខេត្តបានប្រាប់ថា ក៏បានក្រើនរំលឹកពីតួនាទីរបស់នគរបាលប៉ុស្តិ៍រដ្ឋបាល ដែលត្រូវអនុវត្តនៅមូលដ្ឋានរបស់ខ្លួន នគរបាលប៉ុស្តិ៍គឺជាសេនាធិការឲ្យឃុំ សង្កាត់ រាល់កិច្ចនៅក្នុងមូលដ្ឋាន ដូច្នេះដើម្បីឲ្យកិច្ចការងាររបស់ខ្លួនប្រព្រឹត្តទៅបានរលូន ទទួលបានជោគជ័យ គឺត្រូវតែ មានកិច្ចសហការល្អជាមួយអាជ្ញាធរគ្រប់លំដាប់ថ្នាក់ និងសមត្ថកិច្ចពាក់ព័ន្ធនិងការពារសន្តិសុខអោយបានល្អពិសេសករណីឆក់លួចប្លន់និងហឹង្សាផ្សេងៗត្រូវរាយការណ៍អោយទាន់ពេលវេលា គឺត្រូវមានការសាមគ្គីភាពផ្ទៃក្នុងឲ្យបានល្អ។តាមកាណែនាំរបស់អគ្គស្នងការនគរបាលជាតិ។ ជាចុងក្រោយមតិផ្តាំផ្ញេីលោកសាន ស៊ានហូ អភិបាលក្រុងប៉ោយប៉ែតបានកោតសរសើដល់កងកម្លាំងនគរបាលក្រុង រក្សាបាននៅសន្តិសុខ សណ្តាប់ធ្លាប់ ជូនពលរដ្ឋ បានជំរុញឲ្យមន្ត្រីនគរបាលដែលត្រូវបាន ប្រកាសផ្ទេរភារកិច្ច តែងតាំងមុខតំណែងនាពេល នេះត្រូវខិតខំយកចិត្តទុកដាក់លើតួនាទីភារកិច្ចរបស់ខ្លួន បន្ថែមទៀត ពិសេសត្រូវបន្តផ្សព្វផ្សាយ ពីគោលនយោបាយភូមិ ឃុំមានសុវត្ថិភាពអោយបានល្អបន្តទៀត៕