ខេត្តបន្ទាយមានជ័យ៖ ក្រុងប៉ោយប៉ែតៈមន្រ្តីសាខាកាំកុងត្រូលខេត្តបន្ទាយមានជ័យ សហការជាមួយមន្ទីរពាណិជ្ជកម្ម បានបន្តយុទ្ធនាការចុះត្រួតពិនិត្យទំនិញ នឹង អប់រំណែនាំដល់អាជីវករលក់ដូរ ក្នុងផ្សារត្រី ផ្សារថ្មី តាមផ្ទះ លក់ចាប់ហួយ ដើម្បីរកមើលថា៖ តើមានប្រភេទទំនិញអ្វីខ្លះ ដែលខូចគុណភាពនិងហួសកាលបរិច្ឆេតប្រើប្រាស់ទាំងនោះ នៅព្រឹកថ្ងៃទី០៣ ខែតុលា ឆ្នាំ២០១៨ នេះ។ លោកសាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យ បានដឹកនាំមន្រ្តីចុះត្រួតពិនិត្យដោយផ្ទាល់ជាច្រើនកន្លែង ដោយមន្រ្តីកាំកុងត្រូលបានរកឃើញទំនិញខូចគុណភាពនឹងហួសកាលបរិច្ឆេតប្រើប្រាស់មួយចំនួផងដែរ។ លោក សាន វិជ្ជាសារ៉ាវុធ បានបន្តទៀតថា៖ក្នុងការចុះត្រួតពិនិត្យជាច្រើនកន្លែង ដោយបានរកឃើញទំនិញដែលខូចគុណភាព និង ហួសកាលបរិច្ឆេតមួយចំនួន និង ទឹកខ្មេះរូបទន្សាយ ដែលមានជាតអាស៉ីត ដែលមន្ត្រី កាំកុងត្រូលខេត្ត ហាមជាដាច់ខាត មិនអោយអាជីវករ យកមកលក់នៅតាមតូប ក៏ដូចជាននៅតាមផ្ទះនោះទេ។ លោក សាន វិជ្ជាសារ៉ាវុធ បានដឹកនាំកំលាំងបន្ត ចុះត្រួតពិនិត្យ ត្រង់ចំនុច ផ្សារថ្មី ផ្សារត្រីប៉ោយប៉ែត បានរកឃើញ នំបញ្ឌុក នំលោត មានសារធាតុបារ៉ាក់គីមី ពីកន្លែងនូវក្នុងផ្សារត្រី ស្ថិតភូមិបាលិលេយ្យ០១ សង្កាត់និងក្រុងប៉ោយប៉ែត និងបានដកហូតយកទៅចោលផងដែល។ លោកបានបន្តរទៀតថា៖ គឺដោយសារតែបងប្អូនក្រុមអាជីវករមានការយល់ដឹងខ្ពស់ លើការទិញទំនិញយកមកលក់ជូនប្រជាពលរដ្ឋ បានជារកឃើញទំនិញហួសកាលបរិច្ឆេត ទិចបែបនេះ។ ជាមួយគ្នានេះដែរលោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យ ក៏បានណែនាំនឹងអំពាវនាវដល់កក្រុមអាជីវករទាំងអស់ត្រូវបង្កើនការប្រុងប្រយ័ត្ន អោយយកចិត្តទុកដាក់កាន់តែខ្លាំងលើការជាវទំនិញមកដាក់តាំងលក់ ដើម្បីចូលរួមកាត់បន្ថយផលប៉ះពាល់ដល់សុខភាព របស់ប្រជាពលរដ្ឋ តាមមូលដ្ឋាន ជាពិសេសនោះ មន្ត្រីក្នុងត្រកូល បានបិតផ្លាកសញ្ញា អោយយល់ដឹង រាល់ទំនិញណា ដែលគ្មានស្លាកសញ្ញា របស់ក្រុមហ៊ុន ផលិតផល គឺលោកសូមសំណូមពរ ដល់កក្រុមអាជីវករទាំងអស់កុំទិញយកមកលក់ ឬទិញយកមកបរិភោគ ព្រោះវាអាចមានផលប៉ះពាល់ សុខភាពបងប្អូនប្រជាពលរដ្ឋ៕