រថយន្តតូយ៉ូតា ប៉ះជាមួយម៉ូតូ អូសប្រហែល១០មែត្រ បានបណ្តាលឱ្យយុវ័យក្មេងម្នាក់រងរបួស យ៉ាងធ្ងន់ធ្ងរ.!!!
ក្រុងប៉ោយប៉ែត៖ មានករណីគ្រោះថ្នាក់ចរាចរណ៍ រវាងរថយន្តតូយ៉ូតា បើកបរដោយស្រ្តីវ័យក្មេងម្នាក់ បណ្តាល អោយអ្នកជិះម៉ូតូុ រងរបួសត្រង់ក្បាល យ៉ាងធ្ងន់ធ្ងរ ត្រូវបានដឹកទៅកាន់មន្ទីរពេទ្យ ។ ដែលហេតុការណ៍នេះ បានកើតឡើង នៅថ្ងៃទី០៥ ខែតុលា ឆ្នាំ២០១៨ នៅវេលាម៉ោង ១២និង២០នាទី ក្នុងភូមិសាមគ្គីមានជ័យ សង្កាត់ និង ក្រុងប៉ោយប៉ែត ខេត្តបន្ទាយមានជ័យ។
បើតាមពលរដ្ឋនៅកន្លែងកើតហេតុ បានឱ្យដឹងថា៖ មុនពេលកើតហេតុ គាត់ឃើញបុរសម្នាក់ បើកបរពីត្បូងទៅជើង ម៉ូតូមានស្លាកលេខ 1S-9958 ហើយរថយន្តបាន បើកចេញពី បុរីហ្គោតឡាក់ ក្នុងទិសដៅ ពីកើតទៅលិច ដែលមានស្លាកលេខភ្នំពេញ 2AG- 2776 លុះដល់ចំនុចកើតហេតុខាងលើ បានបុកម៉ូតូចំពេញទំហឹង អូសម៉ូតូជាង១០មែត្រ ។ ពលរដ្ឋដដែល បានបន្តទៀតថា៖ ខណៈពេលនេះបុរសវ័យក្មេងម្នាក់ បានរងរបួសត្រង់ក្បាល យ៉ាងធ្ងន់ធ្ងរ ត្រូវបានដឹកយកទៅ សង្រ្គោះនៅមន្ទីរពេទ្យភ្លាមៗផងដែរ៕ ព័ត៌មានបឋម និងលម្អិតនៅពេលក្រោយ