ខេត្តបន្ទាយមានជ័យ៖ (ក្រុងប៉ោយប៉ែត) រដ្ឋបាលក្រុងប៉ោយប៉ែត បានរៀបចំពិធីប្រណាំងទូក ដើម្បីអបអរសាទរ ព្រះរាជ្យពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក ដែលជាព្រះរាជ្យពិធីបុណ្យជាតិ តាមប្រពៃណីទំនៀមទម្លាប់របស់ជាតិ ដែលនឹងប្រព្រឹត្តទៅរយ:ពេល២ថ្ងៃ គឺចាប់ពីថ្ងៃទី១០-១១ ខែវិច្ឆិកា ឆ្នាំ២០១៨ នេះ ។ ក្រោម អធិបតីភាព លោកលី សារី អភិបាលរងខេត្ត លោក សាន ស៊ានហូ អភិបាលនៃគណៈអភិបាលក្រុង និងលោកអភិបាលរងក្រុង ព្រមទាំងមន្ត្រីរាជការគ្រប់ស្ថាប័ន អញ្ជើញចូលរួមក្នុងពិធីបុណ្យអុំទូក នាកិច្ចចាប់ផ្តើមនៅថ្ងៃរសៀលនេះផងដែល។ ពិធីបុណ្យអុំទូក អកអំបុក សំពះព្រះខែ ប្រារព្ធធ្វើឡើង នៅក្នុងបរិវេណអាងអម្រឹតអូរខៃដន ក្នុងភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយអានជ័យ។ ដែលមានការចូលរួមពីសំណាក់អាជ្ញាធរមូលដ្ឋាកម្លាំងសមត្ថកិច្ច សប្បុរជន និង ប្រជាពលរដ្ឋមកតាមបណ្តាស្រុក/ខេត្ត ដែលជាប់ព្រំប្រទល់ខេត្តបន្ទាយមានជ័យ បានមកចូលរួមក្នុងពិធីប្រណាំងអុំទូកង យៈពេល២ថ្ងៃនេះយ៉ាងច្រើនកុះករផងដែល។ ដែលទីតាំងរដ្ឋបាលក្រុងធ្លាប់ប្រារព្ធពិធីនេះរយៈពេល២ឆ្នាំមកហើយ។ ព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក គីជាព្រះរាជពិធីបុណ្យប្រវត្តិសាស្ត្រ បានបង្ហាញអំពីប្រវត្តិនៃជាតិសាសន៍ដ៏រុងរឿង និងល្បីរន្ទឺពេញសកលលោក តាំងពីបុរាណកាលមកម្លេះ ក្រោមព្រះរាជ្យកិច្ចប្រកបដោយបញ្ញាញាណរបស់ព្រះបាទជ័យវរ្មនទី៧ ក្នុងរជ្ជកាល ដែលព្រះអង្គ និងមេទព័របស់ព្រះអង្គបានដឹកនាំកងទព័ជើងទឹកអង់អាចក្លាហានវាយរំដោះ និងការពារទឹកដីមហានគរ ពីការឈ្លានពានពីសំណាក់ខ្មាំង សត្រូវពីគ្រប់ទិសទី ។ ជាមួយគ្នានេះដែរ ព្រះរាជ្យពិធីនេះ ក៏បានប្រារព្ធឡើង ដើម្បីរំលឹក និងឧទ្ទិសដល់គុណព្រះធរណី និងព្រះគង្គាផងដែរ ។ សួមរំលឹកថា៖ ពិធីប្រណាំងទូកង នៅបរិវេណអាងអម្រឹតអូរខៃដន រយ:ពេល២ថ្ងៃនេះ ត្រូវបានផ្ដូចផ្ដើមឡើង ដោយទទួលបានការគាំទ្រពីក្រុមហ៊ុននានា សប្បុរសជននានានៅក្នុងក្រុងប៉ោយប៉ែត និងទទួលបានការគាំទ្របច្ចេកទេសពីមន្ត្រីជំនាញពាក់ពន្ធនៅក្នុងខេត្ត ដែលមានទូកចូលរួមប្រកួតប្រជែងចំនួន១៨គូ ក្នុងនោះក៏មានទូកឈ្មោះ (រស្មីសាមគ្គីអ្នកសារព័ត៌មាន) ក្រុងប៉ោយប៉ែតចូលរួមប្រឡងផងដែរ៕ ព័ត៌មានបឋម ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែត ប៉ុស្តិ៍ www.poipetpostnews.com