ពិតជាជំនាញមែន លោកវរសេនីយ៍ទោ សៅ សារឿន អធិការនគរបាលស្រុកថ្មពួក ចុះបង្រ្កាបករណីគ្រឿងញៀន បានជាបន្តបន្ទាប់..
ខេត្តបន្ទាយមានជ័យ៖ លោកវរសេនីយ៍ទោ សៅ សារឿន អធិការនគរបាលស្រុក ថ្មពួក បង្រ្កាបករណីគ្រឿង ញៀន ដូចភ្លៀងរលឹម ដែលហេតុការណ៍នេះ បានកើតឡើងនៅថ្ងៃទី១៣ ខែវិច្ឆិកា ឆ្នាំ២០១៨ វេលាម៉ោង១១និង០០នាទី។
កំម្លាំងផ្នែកប្រឆាំងគ្រឿងញៀន បានចុះ ប្រតិបត្តិការ សហការណ៍ ជាមួយការិយាល័យ ប្រឆាំងគ្រឿងញៀនខេត្ត រួមនិងកំលាំងនគរបាល វរព្រំដែន ៨០៧ បានធ្វើការឃាត់ខ្លួន មុខសញ្ញាករណីជួញដូរនូវសារធាតុញៀន ខុសច្បាប់ ចំនួន០៣នាក់ ដែលមានឈ្មោះដូចខាងក្រោម៖
១.ឈ្មោះ កន ភ័ស ភេទប្រុស អាយុ ៣០ឆ្នាំ វត្ថុតាង ថ្នាំគ្រាប់១៨២ គ្រាប់ ខៀវ០២គ្រាប់ ម្សៅក្រាមសថ្លា០៣ថង់ រស់នៅភូមិក្កឹបថ្ម ឃុំគោករមៀត ស្រុកថ្មពួុក ។ ២ .ឈ្មោៈ ឡាំ ត្រេង ភេទប្រុស អាយុ៤៣ឆ្នាំ រស់នៅភូមិបន្ទាយមានឬទ្ឋឹ ឃុំគោករមៀត វត្ថុតាងថ្នាំញៀនប្រភេទគ្រាប់ ចំនួន១៥៦ គ្រាប់ ម្សៅក្រាមសថ្លាចំនួន០៣ថង់តូច។ ៣.ឈ្មោះ ទន ថុនា (ថុ) ភេទប្រុស អាយុ១៩ឆ្នាំ វត្ថុតាងគ្មាន ធ្វើតេស្ត រកសារធាតុញៀន លទ្ធផលវិជ្ជមាន រួចបន្តធ្វើកំណត់ហេតុបិទលំនៅដ្ឋានផ្ទះ ឈ្មោះ ឡាំ ត្រេង (តាក្របី) នៅភូមិបន្ទាយមានឫទ្ធិ តែម្តង។
បច្ចុប្បន្នជនសង្ស័យទាំង០៣នាក់ ត្រូវបានកម្លាំងជំនាញខេត្ត បញ្ជូនទៅកាន់ការិយាល័យ ប្រឆាំងគ្រឿងញៀន នៃស្នងការដ្ឋាននគរបាល ខេត្តបន្ទាយមានជ័យ នៅរសៀលថ្ងៃពុធ ទី១៤ ខែវិច្ឆិកា ឆ្នាំ២០១៨ នេះហើយ៕
រាយការណ៍ដោយៈ លោក ជួង វិសិដ្ឋ និពន្ធនាយក គេហទំព័រ ប៉ោយប៉ែត ប៉ុស្តិ៍ www.poipetpostnews.com