(រដ្ឋបាលខេត្តបន្ទាយមានជ័យ) លោក សួន បរវ អភិបាលនៃគណៈអភិបាលខេត្ត និង លោកអភិបាលរងខេត្ត បានរៀបចំពិធីប្រណាំងទូកង នៅស្ទឹងទឹកថ្លា សង្កាត់ទឹកថ្លា ក្រុងសិរីសោភ័ណ ដើម្បីអបអរសាទរ ព្រះរាជ្យពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក ដែលជាព្រះរាជ្យពិធីបុណ្យជាតិ តាមប្រពៃណីទំនៀមទម្លាប់របស់ជាតិ ដែលប្រព្រឹត្តទៅរយ:ពេល០២ថ្ងៃ គឺបានបញ្ចប់ដោយ ឯកឧត្តមនាយឧត្តមសេនីយ៍ ឧបនាយករដ្ឋមន្រ្តី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿង ញៀន លោកជំទាវ ម៉ៅ ម៉ាឡៃ កែ គឹម យ៉ាន។ គូសបញ្ជាក់ផងដែលថា៖ ព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក គីជាព្រះរាជពិធីបុណ្យប្រវត្តិសាស្ត្រ ដែលមានឆ្លាក់ចារ្យនៅលើប្រាំងប្រាទអង្គរ បានបង្ហាញអំពីប្រវត្តិនៃជាតិសាសន៍ដ៏រុងរឿង និងល្បីរន្ទឺពេញសកលលោក តាំងពីបុរាណកាលមកម្លេះ ក្រោមព្រះរាជ្យកិច្ចប្រកបដោយបញ្ញាញាណ របស់ព្រះបាទជ័យវរ្មនទី៧ ក្នុងរជ្ជកាល ដែលព្រះអង្គ និងមេទព័ របស់ព្រះអង្គបានដឹកនាំកងទព័ជើងទឹកដ៏អង់អាចក្លាហានវាយរំដោះ និងការពារទឹកដីមហានគរ ពីការឈ្លានពានពីសំណាកខ្មាំងសត្រូវ មកពីគ្រប់ទិសទី។ សូមបញ្ជាក់ថា៖ ព្រះរាជ្យពិធីបុណ្យអុំទូក គឺបានប្រារព្ធឡើង ដើម្បីរំលឹក និងឧទ្ទិសដល់គុណព្រះធរណី និងព្រះគង្គាផងដែរ ។ ពិធីបុណ្យអុំទូក អកអំបុកសំពះព្រះខែនៅក្រុងសិរីសោភ័ណ ដែលតែងតែប្រារព្ធធ្វើឡើងជារៀងរាល់ឆ្នាំ ត្រូវនិងថ្ងៃទី១៥ ខែវិច្ឆិកា ឆ្នាំ២០១៨ នេះ ដែលជាថ្ងៃប្រកួតប្រជែងវគ្គផ្តាច់ព្រ័ត្រ ដែលមានឈ្មោះទូកចូលរួមប្រកួតចំនួន៦២គូ មកពីបណ្តាភូមិ ឃុំ ស្រុក គ្រប់ទិសទីក្នុងខេត្តបន្ទាយមានជ័យ ដើម្បីដណ្ដើមយកជ័យលាភីលេខ ១ ឈ្នះនៅខេត្ត បន្តទៅប្រកួតប្រជែងនៅថ្នាក់ជាតិ ក្រុងរាជធានីភ្នំពេញ ដែលប្រព្រឹត្តទៅនៅថ្ងៃទី២១-២២-២៣ ខែវិច្ឆិកា ឆ្នាំ២០១៨។ ជាទីបញ្ចប់និងជាថ្មីម្តងទៀត លោក សួន បវរ អភិបាលនៃគណៈអភិបាលខេត្ត សូមថ្លែងអំណរអរគុណ ចំពោះវត្តមាន ឯកឧត្តម គណអធិបតី ឯកឧត្តម លោកជំទាវ លោកឧកញ៉ា ភ្ញៀវជាតិ និងភ្ញៀវអន្តរជាតិ ដែលបានចំណាយពេលវេលាដ៏មានតំលៃអញ្ជើញចូលរួមនាក្នុងឱកាសនេះ គឺជាការផ្តល់ កិត្តិយសដ៏ឧត្តុង្គឧត្តម និងប្រកបដោយមោទនភាព សម្រាប់ខេត្តបន្ទាយមានជ័យ ក្នុងនាមជារដ្ឋាភិបាលខេត្ត សូមថ្លែងអំណគុណ និងកោតសរសើរដោយស្មោះ ចំពោះក្រុមកីឡាករប្រណាំងទូកទាំងអស់ ដែលបានអញ្ជើញមកពីបណ្តាភូមិ ឃុំ ស្រុក សង្កាត់នានា មកចូលរួមការប្រកួតប្រជែង និងគោរពបាននៅយ៉ាងម៉ឹងម៉ាត់នូវបទបញ្ជាផ្ទៃក្នុងរបស់គណៈកម្មាធិការបច្ចែកទេស គឺជាការចូលរួមប្រដោយ មនាសកា និង ស្មារតី ជាមួយកីឡាករពិតប្រាកដ ដោយឈរលើស្មារតីទទួលខុសត្រូវ និងការគោរពគ្នាទៅវិញទៅមក ទោះជាចាញ់ឬឈ្នះក៏ទុកគ្នាជាមិត្ត និងជាជនរួមជាតិកម្ពុជា ដើម្បីលើកកំពស់ វិស្ស័យកីឡា ព្រោះកីឡាករនាំមកនូវសុខភាព មិត្តភាព សាមគ្គីភាព សេចក្តីថ្លៃថ្នូរ និងជះផុតពីគ្រឿងញៀន។ ជាមួយគ្មានេះដែល ក្នុងនាមរដ្ឋាភិបាលខេត្តសូមថ្លែងអំណគុណ ដ៏ជ្រាលជ្រៅចំពោះការចូលរួមឧបត្ថម្ភគាំទ្រ ទាំងថាកវិកា សម្ភារៈ អាហារ និងភេសជ្ជៈគ្រប់បែបយ៉ាងពីសំណាក ព្រះសង្ឃ និងក្រុមហ៊ុននានា សបុរសជន អាជ្ញាធរមូលដ្ឋាន និង ប្រជាពលរដ្ឋ ធ្វើអោយដំណើរការនៃការប្រារព្ធពិធីប្រណាំងទូកនាឆ្នាំនេះ ប្រព្រឹត្តទៅដោយរលូន និងទទួលបានជោគជ័យ គួរអោយជាទីមរណៈ សូមអរគុណ បុណ្យព្រះរតន្ត្រៃនិងវត្ថុសសិទ្ធិ រក្សាទឹកដីកម្ពុជាទាំងមូល សូមប្រោះព្រហ្ម នូវ សុខសាធិការពរជ័យ សិរីមង្គល វិបុលសុខ មហាប្រសើរជូនដល់ ឯកឧត្តម គណៈធិបតី ឯកឧត្តម លោកជំទាវ លោកឧកញ៉ា លោកលោកស្រីភ្ញៀវកិត្តិយស មន្ត្រីរាជការកងកម្លាំងប្រដាប់អាវុធ បងប្អូនប្រជាពលរដ្ឋនិងកីឡាករទាំងអស់ សូមសម្រេចបាននូវ ពុធ្ធិពរទាំង៤ប្រការគឺ អាយុ វណ្ណៈ សុខៈ ភានៈ និងបតិភានៈកុំបីឃ្លាំងឃ្លាតឡើយ៕ រាយការណ៍ដោយៈលោក វ៉ិត រិទ្ធ និពន្ធនាយក គេហទំព័រ ប៉ោយប៉ែត ប៉ុស្តិ៍ www.poipetpostnews.com