គ្រោះថ្នាក់ចរាចរណ៍មួយដ៏រុន្ធត់ បានកើតឡើងរវាងម៉ូតូនិងរថយន្ត បណ្តាលអោយបុរសជិះម៉ូតូម្នាក់ស្លាប់នូវកន្លែងកើតហេតុភ្លាមៗ..
ខេត្តបន្ទាយមានជ័យ៖(ក្រុងប៉ោយប៉ែត)យប់ថ្ងៃទី១៦ ខែវិច្ចិការ ឆ្នាំ២០១៨ វេលាម៉ោង២២ និង១០ នាទីយប់ លើផ្លូវជាតិលេខ៥ ត្រង់ចំណុចមុខស្ថានីយ៏ដឹកអ្នកដំណើរស៊ូជីង ស្ថិតក្នុងភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត មានករណីគ្រោះថ្នាក់រវាងម៉ូតូនិងរថយន្ត បណ្តាលអោយបុរសជិះម៉ូតូម្នាក់ស្លាប់នូវកន្លែងនឹងកើតហេតុភ្លាមៗ។
ប្រជាពលរដ្ឋរស់នៅទីនោះបានឃើញ រថយន្ត០១គ្រឿងម៉ាកកូរូឡា ពណ៏ខ្មៅ ពាក់ស្លាកលេខ 2E-4535 បើកបរពីលិចទៅកើត។ រីឯម៉ូតូ០១គ្រឿងម៉ាក MSX ពណ៏ក្រហម ពាក់ស្លាកលេខ ភ្នំពេញ 1Q-5673 បើកបរពីកើតទៅលិច បើកបរ បញ្ច្រាស់ទិសគ្នា កំពុងឡើងវ៉ាជែងម៉ូតូ០១គ្រឿងទៀត បណ្តាលអោយបុកគ្នាតែម្តង។
គ្រោះថ្នាក់ចរាចរណ៍ខាងលើនេះបណ្តាលអោយអ្នកបើកបរម៉ូតូឈ្មោះ ភឿន ថង ភេទប្រុស អាយុ២០ឆ្នាំ មុខរបរធ្វើស្រែ រស់នៅក្នុងភូមិកោះឈ្នួល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ (ស្លាប់នៅកន្លែង)។ចំណែកអ្នកបើកបររថយន្តឈ្មោះ លេង ចន្ទ័ធូ ភេទប្រុស អាយុ២៤ឆ្នាំ មុខរបរ បិតស្គុតម៉ូតូ រស់នៅក្នុងភូមិជ្រោយនាងនួន ឃុំជ្រោយនាងនួន ស្រុកស្រីស្នំ ខេត្តសៀមរាប។
រីឯម៉ូតូ និង រថយន្ត (ខូចខាតធ្ងន់)
ក្រោយពេលកើតហេតុ សមត្ថកិច្ចផ្នែកចរាចរណ៍ក្រុងប៉ោយប៉ែត បានមកធ្វើការ វាស់វែង និងជួយសម្រួលចរាចរណ៍ជូនប្រជាពលរដ្ឋដែលធ្វើដំណើរឆ្លងកាត់ ហើយយកសាកសពបុរសខាងលើទៅតំកល់ទុកនៅវត្តអណ្តូងថ្មមាស រងចសាច់ញាតិយកទៅធ្វើបុណ្យនៅឯស្រុកកំណើត ចំណែករថយន្តនិងម៉ូតូ ត្រូវបានរថយន្តស្ទូចយកទៅរក្សាទុកនៅប៉ុស្តិ៍និមិត្ត ដើម្បីរងចាំដោះស្រាយគ្នានាពេលក្រោយតាមផ្លូវច្បាប់៕
រាយការណ៍ដោយៈលោក ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com