កម្លាំងកងរាជអាវុធហត្ថ ឃាត់ខ្លួនជនសង្ស័យ មេខ្លោង០២នាក់ ជាមួយថ្នាំញៀន ០៤កញ្ចប់ធំ.!!!
ខេត្តកណ្តាល៖ នៅវេលាម៉ោង ១៤និង៣០នាទី ថ្ងៃទី១៤ ខែវិច្ឆិកា ឆ្នាំ២០១៨ កម្លាំងកងរាជអាវុធហត្ថស្រុកពញ្ញាឮ និង កម្លាំងខេត្ត ដឹកនាំដោយលោកវរសេនីយ៍ទោ ពិន ច័ន្ទតារា មេបញ្ជាការរងខេត្តកណ្តាល ដោយមានការសហការណ៍ជាមួយកម្លាំងកងរាជអាវុធហត្ថរាជធានីភ្នំពេញ កម្លាំងបានចុះបង្ក្រាបករណីជួញដូរ ឬប្រើប្រាស់ដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យចំនួន០២នាក់ជាបន្តបន្ទាប់ នៅចំណុចភូមិទួលងោក ឃុំកំពង់លួង ស្រុកពញ្ញាឮ ខេត្តកណ្តាល។
ជនសង្ស័យមានឈ្មោះ តាំង សុធារិទ្ធ ភេទប្រុស អាយុ ៣០ឆ្នាំ ជនជាតិខ្មែរ មុខរបរកម្មករសំណង់ រស់នៅភូមិតាងួន ឃុំកាកាប ខណ្ឌដង្កោ រាជធានីភ្នំពេញ និងឈ្មោះ គ្រុឌ ចិន្តា ភេទស្រី អាយុ ៣៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅមិនពិតប្រាកដ។
វត្ថុតាងចាប់យករួមមាន :
១-ថ្នាំញៀន (ម៉ាទឹកកក) ០៤កញ្ចប់ ។
២-ទូរស័ព្ទចំនួន ០២គ្រឿង។
៣-ជញ្ជីងសំរាប់ថ្លឹងគ្រឿងញៀនចំនួន ០២គ្រឿង។
៤-សម្ភារៈសម្រាប់វេចខ្ចប់ និងជក់គ្រឿងញៀនមួយចំនួន ។
បច្ចុប្បន្នជនសង្ស័យ និងវត្ថុតាង មន្ត្រីជំនាញកងរាជអាវុធហត្ថខេត្តកណ្តាល បានកសាងសុំណុំរឿងបញ្ជូទៅសាលាដំបូងខេត្តដើម្បីចាត់ការតាមនីតិវិធី៕
រាយការណ៍ដោយៈលោក វ៉ិត រិទ្ធ និពន្ធនាយក
គេហទំព័រ ប៉ោយប៉ែតប៉ុស្តិ៍
poipetpostnews.com