ជនជាតិចិនស្រវឹងស្រាជោគជាំ ដើរអត់មានគោលដៅ បង្កការភ័យខ្លាចដល់អ្នកដទៃ...!!!
ក្រុងប៉ោយប៉ែត៖ មានករណីបង្កការភ័យខ្លាចដោយជនជាតិចិនម្នាក់ ស្រវឹងស្រាជោកជាំ សន្លប់នៅមុខបន្ទប់ផ្ទះជួលមួយកន្លែង ស្ថិតក្នុងភូមិ គីឡូមែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមាន ជ័យ នៅវេលាម៉ោង០៣និង៤០នាទីយប់ទៀបភ្លឺ ឈានចូលថ្ងៃទី២០ ខែវិច្ឆិកា ឆ្នាំ២០១៨។
លោកលី ប៊ុនថន អាយុ៣៩ឆ្នាំ មានស្រុកកំណើតនៅ ភូមិ ឃុំ ស្រុកកោះសុទិន្ន ខេត្តកំពង់ចាម បានឱ្យដឹងថា៖ នៅវេលាម៉ោង ០៣និង៤១នាទី ដោយលោកបានឆែកកាមេរ៉ា
សុវត្តិភាព ឃើញមានជនជាតិចិនម្នាក់ មិនស្គាល់អត្តសញ្ញាណ បានវង្វេងមិនដឹងមកពីណាទេ ស្រាប់តែឃើញក្អួតនៅមុខផ្ទះជួល អ្នកមើល ខុសត្រូវនៅបន្ទប់ជួល របស់លោក ដោយមានការ សង្ស័យ លោកបានខលទៅសមត្ថកិច្ច មកពនិត្យមើល។
នៅពេលសមត្ថកិច្ចក្នុងមូលដ្ឋាន បានចុះទៅដល់កន្លែងកើតហេតុ ដោយមានការសង្ស័យ មានសភាពដូចមិនដឹងខ្លួនទាល់តែសោះ.! ដឹកនាំដោយលោក ឈឿន ប៊ុនថា អធិការរងក្រុងប៉ោយប៉ែត បានខលទៅហៅ រថយន្តសង្រ្គោះ ដឹកជនជាតិ ចិន ទៅមន្ទីរពេទ្យបង្អែកដីថ្មី២ដើម្បីពិនត្យសុខភាព ៕
លោក ឈឿន ប៊ុនថា អធិការរងក្រុងប៉ោយប៉ែត បានប្រាប់ឱ្យដឹងថា៖ ពេលដែលដល់មន្ទីរពេទ្យ ស្រាប់តែដឹងខ្លួន ហើយជនជាតិចិន ខាងលើនេះ បានស្រែកឡូឡា ពេញមន្ទីរពេទ្យ បង្កឱ្យរំខានដល់អ្នកជម្ងឺ ដែលសម្រាកព្យាបាលនៅទីនោះ លោកបានចាត់កម្លាំងមូលដ្ឋាន ចុះទៅមើលបន្តទៀត។
គួរបញ្ជាក់ផងដែរថា៖ ករណីខាងលើនេះ គួរតែខាងសមាគមន៍ ចិន នៅក្រុងប៉ោយប៉ែត មានវិធានការចំពោះ ជនបង្កដែលជាជនជាតិចិន ដែរស្រវឹង បង្កឲ្យមានការភ័យខ្លាច ដល់អ្នករស់នៅផ្ទះជួល និងអ្នករស់នៅជិតខាង ថែមទៀតរំខានដល់អ្នក ជម្ងឺ រួមទាំងសមត្ថកិច្ចជំនាញ គ្រប់ស្ថាប័ន ផងដែរ មិនគួរឱ្យកើតឡើងទៀតនោះទេ៕
រាយការណ៍ដោយៈលោក វ៉ិត រិទ្ធ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com