ខេត្តក្រចេះ៖ មានហេតុការណ៍ដែលភ្ញាក់ផ្អើលមួយបានកើតឡើង ដោយមិននឹក​ស្មានដល់នោះ គឺនៅរសៀលថ្ងៃទី ២០ វិច្ឆិកា ២០១៨ នៅក្នុងភូមិ ស្រែរនាម ឃុំឃ្សឺម ស្រុកស្នួល ខេត្តក្រចេះ វេលាម៉ោង០៤និង៣០នាទីរសៀល។ មាន ក្មេងៗចំនួន០៣ឬ០៤នាក់ បាននាំគ្នាទៅលេងនៅមាត់ស្រះមួយខាងក្រោយភូមិ ដែលមានទំហំ​ប្រ​ហែល ២០​ម៉ែ​ត្របួនជ្រុង និងជម្រៅប្រហែល០៦ម៉ែត្រ ។ លុះក្មេងៗទាំងនោះកំ​ពុងតែរត់លេង ស្រាប់តែមានក្មេងប្រុសម្នាក់ បានរអិលជើងធ្លាក់ចូលទៅក្នុងរណ្តៅទឹកស្រះដ៏ជ្រៅនោះបាត់តែម្តង ។ ភ្លាមៗនោះក្មេងទាំងនោះ​បាននាំគ្នារត់ទៅប្រាប់ចាស់ទុំ នៅក្នុងភូមិ អោយមកជួយជ្រមុជទឹករាវរកក្មេងប្រុសនោះ.! ហើយអ្នកខ្លះបានយក​សំណាញ់ មកបង់ ក៏​ប៉ុន្តែ.! នៅតែរកមិនឃើញដ៏ដែល ។ លុះវេលាម៉ោងង ០៧និង៣០យប់ ថ្ងៃដ៏ដែលទើបរកក្មេងប្រុសឃើញ នៅក្នុងរណ្តៅទឹកស្រះតែគួរអោយសោកស្តាយបំផុត ក្មេងប្រុសម្នាក់នោះ បានស្លាប់បាត់បង់​ជីវិតជាច្រើនម៉ោងនៅក្នុងទឹកបាត់ទៅហើយ ។ បើតាមសម្តីរបស់អ្នកភូមិបានប្រាប់អោយដឹងថា៖ ក្មេងប្រុសដែ​លបានស្លាប់បាត់​បង់​ជីវិត​នមានឈ្មោះ មាស វីឆៃ ភេទប្រុស អាយុ ១២ ឆ្នាំ ឪពុកឈ្មោះ ធី វុត្ថា អាយុ​៣​៧​ឆ្នាំ ស្រុកំណើតនៅ​ភូមិ ព្រែកអាជី ឃុំទី២ ស្រុក ក្រូចឆ្មារ ខេត្ត ត្បូងឃ្មុំ និង ម្តាយឈ្មោះ កន សារុំ អាយុ៣៦ឆ្នាំ ស្រុកកំណើតរស់នៅក្នុងភូមិឃុំកើតហេតុខាងលើ។ ក្រោយពេលដែលរាវរកឃើញសាកសពក្មេងប្រុសហើយ អាជ្ញាធរដែលមានជំនាញក៏បានមកពិនិត្យលើស​ព​ក្មេងឃើញថា៖ លង់ទឹកស្លាប់ដោយ​ពិតប្រាក​ដ​មែន ក៏​ប្រគល់សព​អោយទៅសាច់ញាត្តិ ឪពុកម្តាយ​យកទៅ​ធ្វើបុណ្យទៅតាមប្រ​ពៃ​ណី។ គួរបញ្ជាក់ផងដែលថា៖ សូមបងប្អូន ពុកម៉ែ ដែលជាអាណាព្យាបាល សូមមេត្តាប្រុងប្រយ័ត្នខ្ពស់ ពីសុវត្ថិភាព អាយុជីវិតកូនក្មេងដែលនូវតូចៗ ជះវាងមានកើត ជាយថាហេតុដោយប្រការណាមួយ៕ រាយការណ៍ដោយៈលោក ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com