លោកសង្ឃ០១អង្គ បង្កការភ្ញាក់ផ្អើលទាំងព្រឹក បានចាក់ស្រ្តីម្នាក់អោយរងរបួសយ៉ាងធ្ងន់ធ្ងរ ដោយមិនដឹងមូលហេតុ.!!!
ក្រុងប៉ោយប៉ែតៈ ព្រះសង្ឃ០១អង្គ បានចាក់មនុស្សស្រីម្នាក់អោយរងរបួសធ្ងន់ ឈាមស្រោចពេញរថយន្ត សង្ស័យជាករណីស្នេហាត្រីកោណ ដែលហេតុការណ៍នេះ បានកើត ឡើងនៅវេលាម៉ោងជាង០៦ព្រឹក ថ្ងៃទី២៤ ខែវិច្ឆិកា ឆ្នាំ២០១៨នេះ នៅចំនុចអូរខៃដន ស្ថិតក្នុងភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
បើយោងតាមពលរដ្ឋបានឱ្យដឹងថា៖ ក្រោយកើតហេតុ មានស្រ្តីម្នាក់ បានស្រែកអោយគេឯងជួយ ហើយក៏នាំគ្នាផ្អើលទៅមើល ឃើញស្រ្តីម្នាក់ ឈាមស្រោចពេញខ្លួន ខណៈឃើញដូច្នោះ ពួកគាត់បានជួយដឹកយកទៅសង្រ្គោះជាបន្ទាន់នៅមន្ទីរពេទ្យបង្អែកដីថ្មី២។
បច្ចុប្បន្នៈ ជនសង្ស័យជាព្រះសង្ឃ ត្រូវបានសមត្ថកិច្ចនគរបាលក្រុងប៉ោយប៉ែត បាននាំខ្លួនមកសួរនាំនៅអធិការដ្ឋាននគរបាលក្រុង ដើម្បីកសាងសំណុំរឿងបន្ត៕
(នេះជាព័ត៌មានបឋម)
រាយការណ៍ដោយៈ លោក វ៉ិត រិទ្ធ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com