មូលហេតុលោកសង្ឃ០១អង្គ ចាក់ស្រ្តីម្នាក់អោយរងរបួសយ៉ាងធ្ងន់ធ្ងរ គឺដោយដារតែខាងស្ត្រីសុំបែក..!!!
ក្រុងប៉ោយប៉ែត៖ តាមការឱ្យដឹងពីសមត្ថកិច្ច បានប្រាប់ សារព័ត៌មាន គេហទំព័រ ប៉ោយប៉ែតប៉ុស្តិ៍ នៅថ្ងៃទី ២៤ ខែវិច្ឆិកា ឆ្នាំ២០១៨ នេះ នៅវេលាម៉ោង០៨និង១០នាទី មានករណី ប៉ុនប៉ងឃាតកម្ម ដោយចេតនា កើតឡើងនៅចំណុចទំនប់អាងទឹក អូរខៃដន ស្ថិតនៅភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។
មុនពេលកើត ហេតុ ឈ្មោះ ទន់ សាវ៉ន ភេទ ប្រុស អាយុ ៥២ ឆ្នាំ មុខរបរ បួសជាសង្ឃ គង់នៅវត្ត ( ស្វាយចាស់ )ស្ថិតនៅ ភូមិ ១ សង្កាត់ព្រះពន្លា ក្រុងសិរីសោភ័ណ ខេត្ត បន្ទាយមានជ័យ ។ បានជិះរថយន្ត ឈ្នួល មកជួបនារីរងគ្រោះ ឈ្មោះ ឡេង ផល្លា ភេទ ស្រីអាយុ ៤៣ ឆ្នាំ (ជាស្ត្រីមេម៉ាយ) មុខរបរប្តូរប្រាក់ ស្នាក់នៅភូមិផ្សារកណ្តាល សង្កាត់និងក្រុងប៉ោយប៉ែត ។ ជនរងគ្រោះបានបើក រថយន្ត ហៃឡែនឌឺ របស់ខ្លួនទៅជួប លោកសង្ឃឈ្មោះ ទន់ សាវ៉ន នៅចំណុចអូរខៃដន។
មូលហេតុ ការណាត់ជួបគ្នានិយាយពីទំនាក់ទំនងស្នេហា នឹង បានស្គាល់គ្នារយពេល០៣ឆ្នាំមកហើយ ជនរងគ្រោះបានសុំបែកពីកលោកសង្ឃឈ្មោះ ទន់ សា វ៉ន ភ្លាមៗនោះ ជនសង្ស័យឈ្មោះ ទន់ សាវ៉ន លឺដូច្នេះទប់ចិត្តមិនបាន បានយកដែកឆាបចេញពីក្នុងថង់យាម ចាក់ទៅលើស្ត្រីរងគ្រោះ ចំមុខនិងបំពង់ករ បណ្តាលអោយរងរបួសធ្ងន់ឈាមស្រោចពេញខ្លួន។
ភ្លាមៗនោះប្រជាពលរដ្ឋ បានដឹកស្ត្រីរងគ្រោះទៅសង្គ្រោះនៅមន្ទីរពេទ្យបង្អែក០២ផងដែរ ។ ក្រោយពេលកើតហេតុ មានប្រជាពលរដ្ឋ បានប្តឹងរាយការ ជូនមកសមត្ថកិច្ចភ្លាមៗ ដើម្បីមកស្រាវជ្រាវ និង ធ្វើអន្តរាគមន៍នាំខ្លួន ជនសង្ស័យ ឈ្មោះ ទន់ សាវ៉ន ជាព្រះសង្ឃ រួមនិងវត្ថុតាងមានដូចជា : ដែកឆាប១ យកមកសួរនាំ នៅអធិការនគរបាលក្រុងប៉ោយប៉ែត។
ក្រោយពីសមត្ថកិច្ចក្រុងប៉ោយប៉ែត សាកសួរហើយរួច និងនាំព្រះសង្ឃ ទៅផ្សឹករួច និងបន្ត តាមនិតិវិធីច្បាប់៕
រាយការណ៍ដោយៈលោក វ៉ិត រិទ្ធ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com