គ្រោះថ្នាក់ចរាចរណ៍នៅតែឆក់យកជីវិតមនុស្សជារៀងរាល់ថ្ងៃ.! គឺដោយសារតែអ្នកបើកបរយានជំនិះគ្រប់ប្រភេទ មិនគោរពច្បាប់ចរាចរណ៍.!!!
ក្រុងប៉ោយប៉ែតៈគ្រោះថ្នាក់ចរាចរណ៍ ដ៏រន្ធត់មួយបានកើតឡើងរវាងម៉ូតូនិងរថយន្ត បណ្តាលអោយបុរសវ័យក្មេងបើកបរម៉ូតូម្នាក់បានស្លាប់ភ្លាមៗ នៅនិងកន្លែងកើតហេតុ ហេតុការណ៍នេះបានកើតឡើង នៅយប់ថ្ងៃទី២៤ ខែ វិច្ឆិកា ឆ្នាំ២០១៨ វេលាម៉ោង២២ និង១០នាទី នៅលើផ្លូវជាតិលេខ៥ ត្រង់ចំណុចខាងលិចស្ថានីយ៍ប្រេងឥន្ធនៈ អឹុង ឆាយហុក ចម្ងាយប្រហែល៣០ម៉ែត្រ ស្ថិតក្នុងសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
បើយោងតាមពលរដ្ឋឃើញនៅក្នុងហេតុការណ៍នេះ បានប្រាប់អោយដឹងថា៖ គ្រោះថ្នាក់ចរាចរណ៍រវាងម៉ូតូនិងរថយន្ត ម៉ូតូ០១គ្រឿង ម៉ាកស្គូបពី ពណ៌សលាយផ្កាឈូក ពុំមានពាក់ស្លាកលេខ ហើយបានបុកប៉ះជាមួយ និង រថយន្តតូច០១គ្រឿង ម៉ាកកាមរីឆ្លាម ពណ៌ទឹកមាស ពាក់ស្លាកលេខ ភ្នំពេញ 2L-5994 បើកបរពីលិចទៅកើត បណ្តាលអោយបុកគ្នាតែម្តង បង្កការភ្ញាក់ផ្អើលទាំងយប់
ភ្លាមៗនោះ.!ម្ចាស់រថយន្តចុះគេចខ្លួនបាត់ទៅ។
លោកអនុសេនីយ៍ឯក សុិន ដូនី នាយរងផ្នែកចរាចរណ៍បានប្រាប់សារព័ត៌មាន គេហទំព័រប៉ោយប៉ែតប៉ុស្តិ៍អោយដឹងថា៖ អ្នកបើកបរម៉ូតូមានឈ្មោះ ជឿ ចំណាន ភេទប្រុស អាយុ២០ឆ្នាំ មុខរបរ កម្មករ រស់នៅភូមិក្បាលស្ពាន១ សង្កាត់និងក្រុងប៉ោយប៉ែត ខេត្តបន្ទាយមានជ័យ (ស្លាប់នៅនិងកន្លែងកើតហេតុ)។ ចំណែកម៉ូតូ(ខូចខាតធ្ងន់) និងរថយន្ត(ខូចស្រាល) សមត្ថកិច្ចបានយកមក រក្សាទុក នៅអធិការដ្ឋាន នគរបាលក្រុងប៉ោយប៉ែត។ លោកបានបន្តទៀតថា៖ ចំពោះម្ចាស់រថយន្ត ដែលបានរត់គេចខ្លួនទៅបាត់ទៅ ទោះជាយ៉ាងណាក៏ដោយ លោកនឹងស្រាវជ្រាវ រកម្ចាស់រថយន្ត មកដោះស្រាយទៅតាមផ្លូវច្បាប់នៅពេលក្រោយ៕
( សូមចូលរួមគោរពច្បាប់ចរាចរណ៍ទាំងអស់គ្នា ដើម្បីការពារអាយុជីវិតគ្រួសារយើងនិងអ្នកដ៏ទៃ )
រាយការណ៍ដោយៈ លោក ជួង វិសិដ្ឋ និពន្ឋនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com