មានករណីគ្រោះថ្នាក់ចរាចរណ៍រវាងម៉ូតូនិងរថយន្តហាយ ឡែនដ័រ ០១គ្រឿង បណ្តាល អោយរបួសមនុស្សចំនួន០២នាក់ រងរបួសធ្ងន់
ក្រុងប៉ោយប៉ែតៈ នៅរសៀលថ្ងៃ២៦ ខែវិច្ឆិកា ឆ្នាំ២០១៨ នេះ វេលាម៉ោង១៤និង០០នាទីលើផ្លូវជាតិលេខ៥ ត្រង់ចំណុចខាងលិចក្លោងទ្វារវត្តអូខៃដន ប្រហែល២០០ម៉ែត្រស្ថិតក្នុងភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
មានករណីគ្រោះថ្នាក់ចរាចរណ៍រវាងម៉ូតូនិងរថយន្តហាយឡែនដ័រ០១គ្រឿង បណ្តាលអោយមនុស្សចំនួន០២នាក់រងរបួសធ្ងន់ បើយោងតាមប្រជារដ្ឋបានឃើញហេតុការនៅទីនោះប្រាប់អោយដឹងថាៈ មុនពេលកើតហេតុគេឃើញម៉ូតូ០១គ្រឿងជិះគ្នា០២នាក់ បើកបរពីកើតទៅលិច រីឯរថយន្តបើកបរពីលិចទៅកើត បើកបរបញ្ច្រាសទិសគ្នា លុះមកដល់ចំនុចកើតហេតុ រថយន្តឡើងវ៉ាជែងរថយន្តដឹកដី ក៏ជ្រុលចង្កូតទៅបុកម៉ូតូតែម្តងទៅ បណ្តាលអោយអ្នកបើកបរម៉ូតូរួមនិងអ្នកជិះរួមដំណើរជាមួយរងរបួសធ្ងន់ទាំងពីនាក់តែម្តង ក៏ប៉ុន្តែ.!ប្រភពមិនទាន់ច្បាស់ការនៅឡើយទេថាៈជនរងគ្រោះទាំង០២នាក់និងអ្នកបើករថយន្ត មិនស្គាល់អត្តសញ្ញាណនៅឡើយ សារព័ត៌មាន គេហទំព័រ ប៉ោយប៉ែតប៉ុស្តិ៍ រាយការណ៍បឋម។
ក្រោយពេលកើតហេតុត្រូវបានលោកអនុសេនីយ៍ឯក ស៊ិន ដូនី នាយរងផ្នែកចរាចរណ៍ បានមកវាស់វែងនិងជួយសម្រួលចរាចរណ៍ ជូនប្រជាពលរដ្ឋធ្វើដំណើរឆ្លងកាត់ ហើយលោកបានហៅថយន្តសង្គ្រោះដឹកអ្នករងរបួសទាំង០២នាក់បញ្ជូនទៅសង្គ្រោះនៅមន្ទីរពេទ្យជាបន្ទាន់។
ចំណែកម៉ូតូ(ខូចខាតធ្ងន់)និងរថយន្ត(ខូចខាតស្រាល) បច្ចុប្បន្ន សមត្ថកិច្ចនគរបាលផ្នែកចរាចរណ៍ យកម៉ូតូនិងរថយន្តទៅរក្សាទុកនៅអធិការដ្ឋានក្រុងប៉ោយប៉ែត ដើម្បីរងចាំដោះស្រាយគ្នានៅពេលក្រោយ៕
ពីខ្ញុំ ជួង វណ្ណអាង ចាងហ្វាងការផ្សាយ
គេហទំព័រ ប៉ោយប៉ែតប៉ុស្តិ៍
www.poipetpostnews.com