លោក សូរ ប្លាតុង អភិបាលស្រុកប្រាសាទ បាគង ចុះពិនិត្យផ្លូវ នឹងបើកការដ្ឋានជួសជុលផ្លូវលំ២ខ្សែរ...
ខេត្តសៀមរាប ៖ នៅថ្ងៃទី២៦ ខែវិច្ឆកា ឆ្នាំ២០១៨ នេះ លោក សូរ ប្លាតុង អភិបាលនៃគណៈអភិបាលស្រុកប្រាសាទបាគង អមដំណើរដោយលោកអភិបាលរងស្រុក និងអាជ្ញាធរមូលដ្ឋាន បានចុះពិនិត្យបើកការដ្ឋានជួសជុលផ្លូវចាក់ក្រាលគ្រួសក្រហមលើផ្លូវចំនួន២ខ្សែ ដើម្បីសម្រួលដល់ការធ្វើដំណើរជូនបងប្អូនប្រជាពលរដ្ឋ ក្នុងមូលដ្ឋាន។
ខ្សែរទី១ដែលមានប្រវែង៣៦៥០ម៉ែត្រ នឹងទទឹង៤ម៉ែត្រ ស្ថិតក្នុងឃុំមានជ័យ ភ្ជាប់ទៅឃុំត្រពាំងធំ ដែលជាថវិការមូលនិធិស្រុក សម្រាប់ឆ្នាំ២០១៨នេះ។ ខ្សែទី២មានប្រវែង ៣១៩០ម៉ែត្រ និង ទទឹង៤ម៉ែត្រ ស្ថិតក្នុងឃុំកន្ទ្រាំង ភ្ជាប់ទៅ ឃុំបល័្លង្គ ថវិការសាងសង់ជាមូលនិធិខេត្ត ក្នុងឆ្នាំ២០១៨ នេះ។
ផ្លូវទាំងពីរខ្សែរ សុទ្ធតែជាផ្លូវ ដែលមានសារៈសំខាន់ៗ បម្រើដល់ការធ្វើដំណើរនិងការដឹកជញ្ជូន កសិផល របស់បងប្អូនប្រជាពលរដ្ឋយើងនៅក្នុងស្រុកប្រាសាទ បាគង ជាពិសេសគឺការតភ្ជាប់ពីឃុំមួយទៅឃុំមួយទៀត ដើម្បីងាយសម្រួលរាល់ការធ្វើដំណើរ ប្រកបអាជីវកម្មផ្សេងៗរបស់បងប្អូនប្រជាពលរដ្ឋផងដែរ។
ដោយៈលោក វ៉ិត រិទ្ធ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com