មន្ត្រីរដ្ឋបាលក្រុងប៉ោយប៉ែត ចុះរុះរើរបងមួយកន្លែង តាមបទបញ្ជា លោក សាន ស៊ានហូ ដែលសាងសង់ ចំកណ្តាល់ផ្លូវសាធារណៈ ...!!!
ក្រុងប៉ោយប៉ែត ៖ លោក សម វិជ័យ បានធ្វើរបងបិទ ផ្លូវ នៅចំណុច ភូមិក្បាលកោះ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ បើតាមសម្ដី របស់ប្រជាពលរដ្ឋ រស់នៅ ចំណុចខាងលើ បាននិយាយថា៖ លោក សម វិជ័យ បានសាងសង់ របងបិទផ្លូវ រំលោភយកដីផ្លូវសាធារណៈ ធើ្វជាកម្មសិទ្ធិ របស់ខ្លួន ពួកគាត់បន្ត ទៀតថា៖ ផ្លូវនេះ គឺមានយូរណាស់មកហើយ តាំងពីឆ្នាំ១៩៩០ មកម្ល៉េះ។
ស្រាប់តែនៅថ្ងៃទី ២៤ ខែវិចិ្ឆកា កន្លងទៅនេះ លោកបានមកធ្វើរបងបិទ មិនត្រឹមជីកដាក់បង្គោលឈើទេ ប៉ុន្តែនៅថ្ងៃទី២៨ ខែវិចិ្ឆកាឆ្នាំ២០១៨ លោក សម វិជ័យ បានប្រើកម្មករសំណង ធ្វើ ពុំ ដើម្បីចាក់បេតុង នៅព្រឹកថ្ងៃទី ២៩ ខែវិចិ្ឆកា ឆ្នាំ២០១៨ នៅពេលនេះ ក្រុមកូនចៅ លោក សម វិជ័យ បានកំពុងរៀបចំចាក់បេតុង បិទផ្លូវ នេះហើយ ។
នៅពេលនោះមានវត្តមាន លោក ខាត់ ធា នាយករងរដ្ឋបាល និងលោក សុខ ពេញណន បានចុះមកចូលរួមមានអាជ្ញាធរភូមិ និង តំណាងសង្កាត់ រួមនិងសមត្ថកិច្ច គ្រប់ស្ថាប័ន និងមានការស្នើរពីប្រជាពលរដ្ឋរស់នៅក្នុងភូមិឃុំខាងលើ និងដោយមានការអន្តរាគមន៍ ពីលោក សាន ស៊ានហូ ដាក់បញ្ជារឲ្យចុះមកបើកផ្លូវវិញ ជូនប្រជាពលរដ្ឋវិញជាស្ថាពរ ។
ប្រជាពលរដ្ឋមានការសប្បាយចិត្ត និងគាំទ្រនូវ ចំណាត់ការណ៍ របស់លោកសាន ស៊ានហូ អភិបាលក្រុង ក្នុងការបំពេញនូវតម្រូវការ របស់ពលរដ្ឋ ដែលបានទទូចសុំ អន្តរាគមន៍ ពេលកន្លងទៅនេះ។ មិនតែប៉ុណ្ណោះ លោក ខាត់ ធា បានចេញថវិការផ្ទាល់ខ្លួន របស់លោក បានចេញសងនូវការ ខាតបង់ របស់របរមួយចំនួនសរុបថវិការ ចំនួន៣៥០ដុល្លារ ផងដែរ ថែមទាំងឲ្យមេភូមិដាក់របាំង កំពស់២.៥០(ពីរម៉ែត្រកន្លះ)ទទឹង៤ម៉ែត្រ(បួនម៉ែត្រ)ដើម្បីការពាររថយន្តធំៗឆ្លងកាត់ កុំឲ្យមានការខូចខាតផ្លូវផងដែរ ៕ ដោយៈលោក វ៉ិត រិទ្ធ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com