ព្រោះតែលុយ.!នារីរូបស្រស់សោភា ម្នាក់ ហ៊ានជួញដូរគ្រឿងញៀន ត្រូវបានកម្លាំងអាវុធហត្ថឃាត់ខ្លួន.!!!
ខេត្តព្រះវិហារ៖ កម្លាំងកងរាជអាវុធហត្ថស្រុកជាំក្សាន្ត ដឹកនាំដោយលោកវរសេនីយ៍ត្រី ពេជ្រ សុភី មេបញ្ជាការកងរាជអាវុធហត្ថស្រុក បានចុះបង្ក្រាបករណីរក្សាទុក ជួញដូរ និងប្រើប្រាស់នូវសារធាតុញៀន ត្រូវបានកម្លាំងអាវុធហត្ថ ឃាត់ខ្លួនជនសង្ស័យ០១នាក់ រួមនិងគ្រឿងញៀន ប្រភេទ ហ្វេតាមីនតាំបែ (ម៉ាទឹកកក) ពណ៌សថ្លា ០១កញ្ចប់ធំ នៅចំណុចខាងលិចរង្វង់មូលស្រអែម ស្ថិតក្នុងភូមិស្រអែមជើង ឃុំស្រអែម ស្រុកជាំក្សាន្ត ខេត្តព្រះវិហារ។ ការឃាត់បាននៅវេលាម៉ោង ១៦ និង ៣៥នាទី ថ្ងៃទី០៨ ខែធ្នូ ឆ្នាំ២០១៨។
ហើយការឃាត់ខ្លួនជនសង្ស័យបាន០១នាក់ ឈ្មោះ ឃឹម ជ្រុយ (ហៅលីលី) ភេទស្រី អាយុ ២៤ឆ្នាំ មុខរបរបំរើការខារ៉ាអូខេ មានស្រុកកំណើតរស់នៅភូមិក្រោលគោ សង្កាត់គីឡូម៉ែត្រ លេខ៦ ខណ្ឌឫស្សីកែវ រាជធានីភ្នំពេញ រួមទាំងវត្ថុតាង ដកហូតបានរួមមាន៖
ថ្នាំញៀន(ម៉ាទឹកកក)ចំនួន ០១កញ្ចប់ធំ, ប្រាក់ដុល្លាចំនួន ២០ដុល្លា, ប្រាក់រៀលចំនួន ៥០,០០០រៀល, ទូរស័ព្ទដៃចំនួន ០២គ្រឿង, កាបូបស្ពាយ០១, កាបូបដាក់លុយ ០១ និងដែកកេស ០១ ផងដែរ។
បច្ចុប្បន្នកម្លាំងជំនាញកងរាជអាវុធហត្ថស្រុក កសាងសំណុំរឿងបញ្ជូនទៅសាលាដំបូងខេត្តព្រះវិហារ ដើម្បីចាត់ការតាមនីតិវិធី។
ដោយៈ ជួង វិសិដ្ឋ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com