( ព័ត៌មានលម្អិត ) មានករណីហឹង្សាមួយបានកើតឡើង បង្ករងរបួសធ្ងន់ម្នាក់ បង្កការភ្ញាក់ផ្អើលដល់ប្រជា ពលរដ្ឋ និង សមត្ថកិច្ច.!!!
ក្រុងប៉ោយប៉ែត៖ មានករណី ទាស់ពាក្យសម្តី បង្កទៅេជា កើតហឹង្សា វាយកាប់ចាក់គ្នា បណ្តាលអោយរងរបួសធ្ងន់ម្នាក់ ឈាមហូរស្រោចពេញខ្លួន បង្កការភ្ញាក់ផ្អើលដល់ប្រជាពលរដ្ឋនិងសមត្ថកិច្ច នៅចំនុចផ្លូវមុខរោងចក្រទី២ ផ្សារកណ្តាល ចម្ងាយ៥០០មែត្រ ពីរោងចក្រ ស្ថិតក្នុងសង្កាត់ ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ ដែលហេតុការនេះកើត ឡើងនៅវេលាម៉ោង ០៧និង៥០ នាទីយប់ ថ្ងៃទី១០ ខែធ្នូ ឆ្នាំ២០១៨ នេះ។
បើយោងតាមពីប្រជាពលរដ្ឋបានឃើញហេតុការណ៍នេះ បានប្រាប់សារព័ត៌មាន គេហទំព័រ ប៉ោយប៉ែតប៉ុស្តិ៍ អោយដឹងថា៖ ដោយមានបុរស០២នាក់ ទំនាស់សម្តី រវាងភាគីទាំងពី យ៉ាងខ្លាំង ឈានដល់ការ ចាក់គ្នារហូតដល់ថ្នាក់ រងរបួសធ្ងន់ ឈាមហូរស្រោចពេញខ្លួន ដោយសារតែការ ទាស់ពាក្យសម្តីគ្នា ទើបបង្កទៅជាកើតរឿងនេះឡើងបែបនេះ។ ជនរងគ្រោះ មាន ឈ្មោះ កង សារ៉េត ភេទប្រុសអាយុ ៣៨ឆ្នាំ មុខរបរត់ម៉ូតូឌុប រស់នៅភូមិកើតហេតុខាងលើរងរបួសធ្ងន់ ត្រង់ឆ្អឹងជំនី ត្រូវបានក្រុមគ្រួសារយកជនរងគ្រោះ ទៅមន្ទីរពេទ្យបង្អែកដីថ្មី ២ ដើម្បីសង្គ្រោះនិងព្យាបាលជាបន្ទាន់។
បន្ទាប់ពីមាន ជនបង្ក ប៉ុនប៉ងករណីមនុស្សឃាត បានប្រើកូនកាំបិតចុច ចាក់ទៅលើជនរងគ្រោះ មាន ឈ្មោះ កង សារ៉េត
អោយរងរបួសធ្ងន់ ភ្លាមៗនោះ សមត្ថកិច្ចក្រុងប៉ោយប៉ែត ក៏បានចុះមកធ្វើអន្តរាគមន៍ និងឃាត់ខ្លួនជនបង្កបានមួយនាក់ មានឈ្នោះ ព្រហ្ម យ៉េនឡា ភេទប្រុស អាយុ៤០ឆ្នាំ បច្ចុប្បន្នស្នាក់នៅបន្ទប់ជួល ក្នុងភូមិឃុំកើតហេតុ។
លោក ប្រិម សុផល មេប៉ុស្តិ៍ផ្សារកណ្តាល បានប្រាប់អង្គភាព ប៉ោយប៉ែតប៉ុស្តិ៍ អោយដឹងថា៖ លោកនិងចុះទៅកន្លែងកើតហេតុ ស៊ើបសួរ ដើម្បីក៏ សាងសុំណុំរឿងបញ្ជូនទៅអធិការនគរបាលក្រុងប៉ោយប៉ែតចាត់ការណ៍ទៅតាមនីតិវិធី ៕
ដោយៈ វ៉ិត រិទ្ធ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com