ខេត្តព្រះវិហារ៖ ជារាងរាលថ្ងៃគេសង្កេតឃើញសកម្មភាពរបស់មន្រ្តីជ្ញាធរមានសមត្ថកិច្ច មន្រ្តីជំនាញ និងមន្រ្តីបរិស្ថាននាយសង្កាត់រដ្ឋបាលព្រៃឈើទាំងនេះ ជាមន្រ្តី អនុវត្តច្បាប់ តែបែជាប្រព្រឹត្តផ្ទុយច្បាប់ទៅវិញ ដោយនាំគ្នាឃុបឃិត ជាមួយក្រុមមេឈ្មួញ អោយដឹកជព្ជួានឈើខុសច្បាប់ និងបណ្ដោយអោយមេឧក្រិដ្ឋកម្ម កាប់បំផ្លាញព្រៃឈើ មានឈ្មោះដូវជា ឈ្មោះ ដាវីត ឈ្មោះឌី ឈ្មោះឡី ឈ្មោះចាន់ ណា ដឹកជញ្ជូនឈើ កាន់តែមានសន្ទុះច្រើនជាងមុនទៅទៀត បើទោះបីជា ក្រុមសារព័ត៌មានជាច្រើនស្ថាប័ន បានចុះផ្សាយជាច្រើនលើកច្រើនសារមកហើយកន្លងទៅ ពេលថ្មីៗនេះ។ បើតាមប្រភពបានរាយការណ៍មកពីស្រុកជាំក្សាន្ត ថា៖ មន្រ្តីអាជ្ញាធរមានសមត្ថកិច្ច មន្រ្តីជំនាញ មន្រ្តីបរិស្ថាន និងនាយសង្កាត់រដ្ឋបាលព្រៃឈើ កំពុងធ្វើសកម្មភាព ជាទ្រុងទ្រាយធំ ដែលមិន ធ្លាប់មានពីមុនមក ក្នុងទឹកដីនៃខេត្តព្រះវិហារ បានធ្វើការបើក ជំហ អោយក្រុមឈ្មួញដឹកជញ្ជូនឈើជាច្រើន នាក់ អោយចូលមកកាប់បំផ្លាញ់ព្រៃឈើ ដោយខុសច្បាប់ ជាពិសេស បានផ្ដលទីតាំងអោយឈ្មួញដាក់ម៉ាស៊ីនរ៉ៃធំៗ ដើម្បីជ្រៀកឈើ យ៉ាងអនាធិបតេយ្យ នៅចំណុចភូមិរំដោះ ទំនប់អភិវឌ្ឍន៍ ស្រុកជាំក្សាន្តខេត្តព្រះវិហារ។ ជាក់ស្ដែងនៅថ្ងៃទី១០ ខែធ្នូ ឆ្នាំ២០១៨ នេះ នៅទីតាំងខាងលើគេសង្កេតឃើញថា៖ មន្រ្តីយោធាពីនាក់ មកឈយាម នៅតាមផ្លូវសារណៈដោយដាក់របងឃាំងផ្លូវមនុស្សចេញចូលហើយមន្រ្តីយោធាពីរូប បាននិយាយថា៖ អ្នកណាក៏ចូលទៅមិនបានដែល ព្រោះជាបទបព្ជាាមេ គ្មាននាក់ណាអាចចូលបាននោះទេ បើគ្មានការអនុញ្ញាត។ ដោយសារតែអ្នកមានអំណាច និងមន្រ្តីអាជ្ញាធរ មានសមត្ថកិច្ច មន្រ្តីជំនាញ់ មន្រ្តីបរិស្ថាន នាយសង្កាត់រដ្ឋបាលព្រៃឈើ បានរួមសហការគ្នាយ៉ាងល្អបែបនេះ បានជាធ្វើអោយព្រៃឈើក្នុងខេត្តព្រះវិហារ រលាយអស់គ្មានសល់ អនាគត់សង្ស័យថា៖ និងក្លាយទៅជាវាលហដ្ឋានជាក់ជាមិនខាន បើមន្រ្តីទាំងនោះនៅតែបណ្ដែតបណ្ដោយ អោយក្រុមឈ្មួញបន្តការកាប់ បំផ្លិចបំផ្លាញតទៅទៀត។ ចុះលោក អ៊ុន ចាន់ដា អភិបាល នៃគណៈអភិបាល ខេត្តព្រះវិហារ លោកមានដឹងរឿងទាំងអស់នេះដែរឬទេ.? ឬមួយលោកបានដឹងហើយ តែធ្វើមិនដឹង.? ហើយលោកនិងមានវិធានការទប់ស្កាត់ដែលទេ ចំពោះកាប់បំផ្លាញព្រៃឈើ និងរឿងមេឈ្មួញដឹកជញ្ជូនឈើខុសច្បាប់ ជាច្រើនរូបនេះ៕ ដោយៈ វ៉ិត រិទ្ធ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com