មន្ត្រីនគរបាលយុត្តិធម៌ម្នាក់ ចេញពីកន្លែងផឹកស៊ី ស្រវឹងជោគជាំ ដកកាំភ្លើងបាញ់មេឃ មួយគ្រាប់លេង! ប៉ុន្តែនគរបាលរដ្ឋបាលឫស្សីកែវ ហាក់ចង់បិទបាំង.!!!
រាជធានីភ្នំពេញ៖ មន្ត្រីនគរបាល យុត្តិធម៌ ម្នាក់ ដែលគេមិនទាន់ស្គាល់អត្តសញ្ញាណបានចេញមកពីកន្លែងផឹកស៊ី ស្រវឹងជោគជាំ បានដកកាំភ្លើងខ្លី បាញ់បង្អើលមេឃមួយគ្រាប់លេង កាលពីម៉ោងជិត១ រំលងអាធ្រាត្រ ឈានចូលថ្ងៃទី១១ ខែធ្នូ ឆ្នាំ២០១៨ ស្ថិតនៅចំណុចជិតវត្តទួល បង្កការភ្ញាក់ផ្អើលទាំងយប់ តាមបណ្ដោយផ្លូវ៩៩ ក្នុងសង្កាត់ឫស្សីកែវ ខណ្ឌឫស្សីកែវ។
មន្រ្តីនគរបាលម្នាក់ ដែលដកកាំភ្លើងខ្លីបាញ់មួយគ្រាប់នោះ មិនត្រូវបានស្គាល់អត្តសញ្ញាណនៅឡើយទេ ដោយសារមន្ត្រីនគរបាល រដ្ឋបាល ឫស្សីកែវ មិនអនុញ្ញាតអោយសួរនាំឡើយ។
តាមប្រភពព័ត៌មានពីកន្លែងកើតហេតុ ពីប្រជាពលរដ្ឋម្នាក់ បានឃើញមន្ត្រីប៉ូលិសម្នាក់ខាងលើ ជិះម៉ូតូម៉ាកស៊ីរ៉ូស ពណ៌ក្រហម ពាក់ស្លាកលេខនគរបាល 1.12 13 បើកដោយបុរសម្នាក់ស្រវឹងជោគជាំ តាមបណ្ដោយផ្លូវ៩៩ ទិសដៅពីត្បូងទៅជើង ដោយសាភាពស្រវឹងផងនោះ ជិៈម៉ូតូ រេឆ្វេង រេស្ដាំ ខណៈមកដល់ចំណុចកើតហេតុខាងលើ ស្រាប់តែមន្រ្តីនគរបាលរូបនោះ ឈប់ម៉ូតូ ហើយបានដកកាំភ្លើង ខ្លី ពីចង្កេះ បាញ់ឡើងលើមេឃចំនួន ១គ្រាប់ ដោយមិនដឹងមូលហេតុ។
ការបាញ់មួយគ្រាប់នេះ បង្កការភ្ញាក់ផ្អើលនឹងផិតភ័យដល់ប្រជាពលរដ្ឋ ដែលរស់នៅជិតកន្លែងកើតហេតុ ហើយក៏បានរាយការណ៍ទៅសមត្ថកិច្ចសង្កាត់ ឬស្សីកែវ ភ្លាមៗនោះសមត្ថកិច្ច បានចុះមកដល់កន្លែងកើតហេតុក៏បានដកយកអាវុធខ្លី ១ដើម និងចាប់យកជនបង្កដែលបាញ់បោះសេរីនោះ យកទៅប៉ុស្តិរដ្ឋបាលឫស្សីកែវ។ ហើយបានសួរនាំនិងធ្វើកំណត់ហេតុ ក្នុងរយៈពេលជាង ១ម៉ោងសមត្ថកិច្ចបានដឹកជនបង្ក ដែលបាញ់បោះសេរីចំនួនមួយគ្រាប់នោះ.ទៅអធិការដ្ឋា ខណ្ឌឫស្សីកែវ។ ប៉ុន្តែអ្វីដែលសារព័ត៌មានសោកស្តាយនោះគឺ សមត្ថកិច្ចបានហាមមិនអោយសារព័ត៌មាន សួរព័ត៌មានលម្អិតបាននោះទេ៕
ដោយៈ សេង រត្ន័ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com