ក្រុងក្រចេះ៖ ក្នុងការឃាត់រយន្តយីឌុប០២ គ្រឿង ដឹកឈើបានបិតបាំងអ្នកសារព័ត៌មាន ជាច្រើនស្ថាប័នក្នុងស្រុក ឃុំកន្ទួត ស្រុកចិត្របុរី ដែលហេតុការណ៍ មិនគួរអោយជឿរឿងមួយនេះសោះ.! បានកើតឡើងនៅវេលាម៉ោង ០៣ទៀបភ្លឺ ឈានចូលថ្ងៃទី១៥ ខែធ្នូ ឆ្នាំ២០១៨ នេះ ដែលស្ថិតក្នុងភូមិ និង ឃុំកន្ទួត ស្រុកចិត្របុរី ខេត្តក្រចេះ។ បើតាមសេចក្តីរាយការណ៍ ពីបងប្អូនសារព័ត៌មាន ក្នុងស្រុកបានអោយ អង្គភាពប៉ោយប៉ែតប៉ុស្ដិ៍ ដឹងថា៖ ក្នុងករណីមេព្រៃ លោក ឃ្លាំង ណារ័ត្ន សង្កាត់រដ្ឋបាលព្រៃឈើជឃុំកន្ទួត ស្រុកចិត្របុរី បានធ្វើការឃាត់រថយន្តយីឌុប០២គ្រឿងដឹកឈើ ពេញរថយន្ត នៅវេលាម៉ោង ០៣ទៀបភ្លឺ ថ្ងៃខែឆ្នាំដ៏ដែល។ ប្រភពដ៏ដែល បានបន្តទៀតថា៖ ដោយឃើញហេតុការណ៍ដូចនេះ ខាងអ្នកព័ត៌មាន ជាច្រើនស្ថាប័ន បានចុះទៅសាកសួរ តៃកុងរថយន្ត និង នាយសង្កាត់រដ្ឋបាលព្រៃឈើ ពួកគាត់ឆ្លើយថា៖ មានច្បាប់ត្រឹមត្រូវ ប្រហែលជាកន្លះម៉ោងក្រោយមក ក៏បើកអោយរថយន្តយីឌុប០២គ្រឿង បន្តធ្វើដំណើរទៅមុខយ៉ាងរលូន។ ប៉ុន្តែ.! អ្វីដែលគួរអោយចម្លែកនោះ បែរជានាយសង្កាត់រដ្ឋបាលព្រៃឈើ បានកាក់រថយន្តទាំងនោះ នៅខាងមុខ ដើម្បីធ្វើការឆែកឆេរ ទៅវិញ.? ទង្វើរទាំងអស់នេះហើយ ដែលគូស បញ្ជាក់អោយឃើញថា៖ មានការបិតបាំងភ្នែក អ្នកសារព័ត៌មាន ជាច្រើនស្ថាប័ន យ៉ាងច្បាស់ ក្រឡែត គឺមានការ ឃុបឃិតគ្នា លក្ខណៈជាប្រព័ន្ធ ជាមួយឈ្មួញ ឧក្រិដ្ឋកម្ម ដែលកំពុងកកាប់បំផ្លាញព្រៃឈើ និង ដឹកជញ្ជូនឈើខុសច្បាប់ នៅជាភស្តុតាងជាក់ស្តែងតែម្តង។ ពលរដ្ឋរស់នៅក្នុងក្រុងក្រចេះ បានធ្វើការសុំអំពាវនាវដល់ឯកឧត្តម វ៉ា ថន អភិបាលនៃអភិបាលខេត្តក្រចេះជួយលុបបំបាត់ទៅលើមន្រ្តីខិលខូច និងមានវិធានការ ធ្វើការបង្រ្កាបលើ ក្រុមឈ្មួញ រួមទាំង លោក ឃ្លាំង ណារ័ត្ន ដែលបើកដៃ អោយក្រុមឈ្មួញដឹកជញ្ជូនឈើខុសច្បាប់ ដែលដឹកឈើចែកចាយតាមខេត្តនាៗនេះផង សូមឯកឧត្ដម វ៉ា ថន កុំព្រងើយ កន្តើយ នៅដល់ណាទៀត។ ទោះជាយ៉ាងណាក៏ដោយ មហាជនរង់ចាំមើល នូវចំណាត់ការ របស់លោក វ៉ា ថន អភិបាល ខេត្តក្រចេះ ដែលទើបឡើងថ្មី គួរមានវិធានការក្តៅ ទៅលើលោក ឃ្លាំង ណារ័ត្ន នាយសង្កាត់រដ្ឋបាលព្រៃឈើ.នៅឃុំកន្ទួត ស្រុកចិត្របុរី អោយខានតែបាន បើពុំនោះទេ អភិក្រម របស់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ធ្លាប់ដាក់ចេញនូវ០៥មុខ មានដូចជា៖ ឆ្លុះកញ្ចក់ ងូតទឹក ដុសក្អែល វះកាត់ និង ព្យាបាល នៅតែមានប្រសិទ្ធភាពខ្ពស់ ចំពោះមន្ត្រីគ្រាប់ល្ពៅស្ងោរទាំងនោះ មិនគួរអោយកើតមានតទៅទៀតនោះទេ។ (អង្គភាពសារព័ត៌មាន គេហទំព័រប៉ោយប៉ែតប៉ុស្តិ៍) ចុះផ្សាយទៅនេះ ដើម្បី អោយថ្នាក់លើបានដឹង និងជួយ កែតម្រូវ ក្នុងន័យស្ថាបនា មិនបានបង្អាប់បង្អោន ឬជាន់ពន្លេច បុក្គលណាមួយឡើយ និងនសូមសំណូមពរទៅដល់ថ្នាកកំពូលៗ និងអង្គភាព កំចាត់អំពើរពុករលួយ សូមមេត្តាស្រាវជ្រាវ និង ស៊ើបអង្កេតទៅលើលោក ឃ្លាំង ណារ័ត្ន នាយសង្កាត់រដ្ឋបាលព្រៃឈើ នៅឃុំកន្ទួត ស្រុកចិត្របុរីនេះផង។ ហើយអង្គភាពយើងខ្ញុំ រងចាំស្វាគមន៍រាល់ការបកស្រាយបំភ្លឺនៅគ្រប់អង្គភាពសារមី រាល់ការផ្សាយ រិះគន់ក្នុងនៃស្ថាបនា ដោយយោងតាមច្បាប់សារព័ត៌មាន តាមរយៈអាស័យដ្ឋាន ឬក៏តាមលេខទូរស័ព្ទTell. 092190098-0886606773 រាល់ម៉ោងធ្វើការ៕ ដោយៈ វ៉ិត រិទ្ធ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com