ឆេះយានដ្ឋានជួសជុលរថយន្តមួយកន្លែង ទាំងព្រឹកព្រលឹម! យ៉ាងសន្ធោសន្ធៅ ខូចខាតរថយន្តស៊េរីទំនើបជាច្រើនគ្រឿង..!!!
រាជធានីភ្នំពេញ៖ អគ្គិភ័យឆាបឆេះយានដ្ឋានជួសជុលរថយន្ត យ៉ាងសន្ធោសន្ធៅ ហេតុការភ្ញាក់ផ្អើលនេះដែលបានកើតឡើងទាំងព្រឹក ព្រលឹម កាលពីវេលាម៉ោង០៥ និង៥៨ នាទីព្រឹក ថ្ងៃទី១៥ ខែធ្នូ ឆ្នាំ២០១៨ នេះ នៅតាម ណ្តោយផ្លូវ១៩៨៦ សង្កាត់ភ្នំពេញថ្មី ខណ្ឌសែនសុខ ។
សមត្ថកិច្ចបានអោយដឹងថា៖ ម្ចាស់រថយន្តដែលឆេះនេះមានឈ្មោះ សុខ រតនា ភេទប្រុស អាយុ៣០ឆ្នាំ ជាងជួសជុលរថយន្ត ។ ចំណែកមូលហេតុបណ្តាលមកពី ឆ្លងចរន្តអគ្គិសនីពីក្បាលអាគុយ ទើបបណ្តាលអោយ ឆេះយានដ្ឋានជួសជុលរថយន្តអស់រថយន្តចំនួន៣គ្រឿងតែម្តង ម៉ាកសឺដែស០១កំណត់មុខ , ឡិចស៊ីស និងតាកូម៉ា ខូចខាតបន្តិចបន្តួច តែមិនបណ្តាលអោយអ្នកណាម្នាក់រងរបួសឡើយ។
ក្នុងករណីនេះដោយមានការចូលរួមពីខាងរថយន្តការិយាល័យអគ្គិភ័យចំនួន០២គ្រឿង ប្រើប្រាស់ទឹកអស់១ឡាន ស្មើនឹង៤ម៉ែត្រគូប រហូតរលត់ទៅវិញ នៅម៉ោង០៦និង១៥នាទីព្រឹកថ្ងៃដ៏ដែល ៕
ដោយៈ សេង រត្ន័ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com
