ល្បែងភ្នាល់បញ្ជុល មាន់ បៀ អាប៉ោង និងយូគី នៅបេនឡាន អូរស្មាច់ បើឡើងវិញហើយ ជ្រកក្រោមស្លាកកាសុីណូ ពលរដ្ឋខ្មែរញៀនល្បែងចូលលេងដោយសេរី...!!!
ខេត្តឧត្តរមានជ័យ៖ ថ្មីៗនេះ ទីតាំងបនល្បែងសីុសងបញ្ជុលមាន់ បៀ អាប៉ោង និងយូគី នៅចំណុចបេនឡានអូរស្មាច់ ស្ថិតភូមិអូរស្មាច់ សង្កាត់កូនគ្រៀល ក្រុងសំរោង កំពុងដំណើរការ បើកអោយពលរដ្ឋខ្មែរ ដែលញៀននិងល្បែង ចូលលេងសារជាថ្មី ម្តងទៀត ក្រោយពីមានការផ្អាកលេងអស់មួយរយៈ។
ជាក់ស្តែងកាលពីថ្ងៃទី១២និងទី១៣ខែធ្នូឆ្នាំ២០១៨ ថ្មីៗនេះ សារព័ត៌មានក្រុងស្រុកជាច្រើនស្ថាបន័ បានចុះផ្សាយថា៖ មានពលរដ្ឋខ្មែរនៅខេត្តឧត្តរមានជ័យ និងតាមបណ្តាខេត្តផ្សេងទៀត ដូចជាខេត្តព្រះវិហារ សៀមរាប និងបន្ទាយមានជ័យ បានមកជុំគ្នា លេងល្បែងភ្នាល់ដាក់ប្រាក់ ដូចដាក់ក្រដាស យ៉ាងអនាធិបតេយ្យ ដោយមិនមានការរំខានពីសំណាក់អាជ្ញាធរ ពាក់ព័ន្ធ និងសមត្ថកិច្ចជំនាញនោះទេ។
បើយោងតាមប្រភព ពីអ្នកញៀនល្បែងបញ្ជុលមាន់ម្នាក់បានប្រាប់អោយដឹងថា៖ ម្ចាស់ទីតាំង បើកលេងខាងលើត្រូវគេស្គាល់ឈ្មោះថា៖ លោក កុក ទៀង ជាបុរសមានអំណាច និងមានលុយដ៏មហាសាល នៅក្នុងខេត្ត សូមបញ្ជាក់ផងដែល ល្បែងភ្នាល់ស៊ីលុយខាងលើនេះ ក្នុងមួយសប្តាស៍គេលេងបីថ្ងៃ(3ថ្ងៃ)គឺថ្ងៃអង្គារ ពុធ និងថ្ងៃសុក្រ ដែលជាថ្ងៃក្រុមអ្នកញៀនល្បែងទាំងអស់នេះណាត់ជួបជុំគ្នា ហើយការភ្នាល់ម្តងៗរហូតដល់រាប់ពាន់ដុល្លាឯនោះ។ លោក កុក ទៀង ដែលគេស្គាល់ថា៖ ជាបុរសមានអំណាច និងមានលុយដ៏មហាសាល រូបនេះ កំពុងតែ គៀងគោ ពលរដ្ឋខ្មែរដែលងុបនិងល្បែង អោយមកចូលលេងនៅក្នុងកន្លែងរបស់ខ្លួន ដោយលោក អាងខ្សែក្រាក់ៗ នៅពីក្រោយខ្នងចាំជួយហើយមើលទៅនោះ។
ចំពោះករណី បើកបនល្បែងខាងលើ បណ្ដាញព័ត៌មាន ជាច្រើនស្ថាប័ន បានធ្វើការ ទំនាក់ ទំនងទៅលោក អ៊ុ សុភ័ក្រ អភិបាលក្រុងសំរោង ដើម្បីសុំការបំភ្លឺ តែបែជាលោកឆ្លើយថា៖ រវល់ជាប់ប្រជុំ៕
ដោយៈ ជួង វិសិដ្ឋ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com