ខេត្តឧត្ដរមានជ័យ៖ អាជីវករក្តៅចិត្តឆ្អិតទ្រូង បានទំលាយ រឿ.! លោក សូត្រ ស៊ីសុឃាង​ ប្រធានមន្ទីកសិកម្មខេត្តឧត្ដរមានជ័យ ថា៖ បានប្រើប្រាស់ការិយាល័យផលិតកម្ម និងបសុព្យាបាលខេត្ត ដើរតួរនាទីយ៉ាងសំខាន់សំរាប់ដើរប្រម៉ូលប្រាក់ ពុករលួយ កេងប្រវញ្ញ គាបសង្កត់ ជិះជាន់ពីអាជីវករ ធ្វើអាជីវកម្មពិឃាតសត្វ ជារាងរាល់ឆ្នាំ និងជារាងរាល់ខែ ដោយធ្វើការទាមទារ​អោយ អាជីវករបង់ប្រាក់ លើសចំនួន ដែលសារាចរ ណែនាំរបស់ក្រសួងកសិកម្មរុក្ខាប្រមាញ់និងនេសាទ ដែលស្ដីអំពី​ការចាត់វិធានការពង្រឹងការគ្រប់គ្រងអាជីវកម្មសត្វ និង ជលផល។ បើយោងទៅលើសារាចរណែនាំរបស់ក្រសួងកសិកម្មរុក្ខាប្រមាញ់ និង នេសាទ ក្រសួងអនុញ្ញាត អោយមានសត្តឃាតដ្ឋាន តាមមូលដ្ឋាន(ឃុំ/សង្កាត់)​សម្រាប់ពិឃាតសត្វ ផ្គត់ផ្គង់សាច់នៅតាមម៉ូលដ្ឋានដោយផ្ទល់។ នៅក្នុងមូលដ្ឋានអាជីវកម្មពិឃាតសត្វ ប្រភេទ(ក)​និងប្រភេទ(ខ)​ ប្រភេទ​ ក​ ក្រសួងកសិកម្ម តម្រូវអោយបង់ប្រាក់ក្នុងមួយឆ្នាំ ១០ម៉ឺនរៀល រីឯប្រភេទ​ ខ​ ក្រសួងតម្រូវអោយបង់ប្រាក់៨ម៉ឺនរៀល ក្នុងមួយឆ្នាំ ។ បែជាលោក សូត្រ ស៊ីសុឃាង ប្រធានមន្ទីកសិកម្មខេត្តឧត្ដរមានជ័យ អោយមន្រ្ដីការិយាល័យផលិតកម្មបសុព្យាបាលខ (ពេទ្យសត្វ) ដើរប្រម៉ូលប្រាក់តម្រូវអោយអាជីវករនៅទូទាំងខេត្តឧត្ដរមានជ័យ បង់ប្រាក់ក្នុងមួយឆ្នាំ៥៧ ម៉ឺន​រៀល និងក្នុងមួយខែ១៩ម៉ឺនផ្សេងទៀត សំរ៉ាប់ពេទ្យសត្វ និងកុងសុី ដែលតំលៃទឹកប្រាក់ លើសពីសារាចរ ណែនាំរបស់ក្រសួងកសិកម្មរហូតដល់គុណ៥ដងឯណោះ។ អាជីវករលក់សាច់ជ្រូក និង សាច់គោ នៅក្នុងខេត្តឧត្ដរមានជ័យ បានលើឡើងថា៖ ពួកគាត់ត្រូវបានពេទ្យសត្វ តម្រូវអោយពួកគាត់បង់ ប្រាក់ក្នុងមួយឆ្នាំ៥៧ម៉ឺនរៀល និងប្រចាំខែក្នុង​ មួយខែ៩ម៉ឺនរៀល ចំពោះពេទ្យសត្វនិងបង់កុងស៊ី១០ម៉ឺនរៀលទៀត ពួកគាត់បន្តរថា៖ សុំចុះតែមួយម៉ឺនរៀលមិនបានផង ហើយពួក គាត់បានធ្វើសត្វឃាត នៅនិងផ្ទះជាលក្ខណ: គ្រួសារ​ បែជាបង់ប្រាក់អោយទៅអាជីវកម្មដេញថ្លៃផ្ដាច់មុខ ក្នុងមួយខែ១០ម៉ឺនរៀលបន្ថែមទៀត​ ដែលផ្ទុយពីសារាចរណែនាំរបស់ក្រសួងទាំងស្រុង។ ជុំវិញការអនុវត្តន៍និតិវិធីច្បាប់របស់ប្រធានមន្ទីកសិកម្មខេត្តឧត្ដរមានជ័យ លោកសូត្រ ស៊ីសុឃាង បានផ្គើន និង អនុវត្តផ្ទុយ ពី សារាចរណ៍ណែនាំរបស់ក្រសួងកសិកម្មរុក្ខាប្រមាញ់និងនេសាទ ទាំងស្រុងតែម្ដង។ ដែលលោក សូត្រស៊ីសុឃាង បានប្រើគ្រប់វិធីសាសក្នុងការ គាបសង្កត់អាជីវករ ប្រម៉ូលប្រាក់ពុករលួយ យកមកសោយសុខ និង ទប់សភាពការណ៍រក្សាតំណែង ដោយឡែក ពលរដ្ឋបានទទួល រងគ្រោះអិតឈប់ឈរ៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com