ថ្នាំញៀន ១,៥០៣ គ្រាប់ ជនបរទេសចំនួន៣នាក់ ក្នុងនោះ បូករួមទាំងខ្មែរម្នាក់ ត្រូវបានសមត្ថកិច្ច បង្ក្រាបនៅប្រៃសណីយ៍ក្នុងក្រុងកំពត..!!!
ខេត្តកំពត៖ សមត្ថកិច្ចជំនាញ បង្ក្រាបគ្រឿង ញៀនដែលផ្ញើរមកពីប្រទេសក្រៅ បានចំនួន ១,៥០៣ គ្រាប់ នៅរសៀលថ្ងៃទី១៨ ខែធ្នូ. ឆ្នាំ២០១៨ ក្រោមការបញ្ជាពីនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ។
ជាលទ្ធផល កម្លាំងនគរបាលជំនាញ ឃាត់ខ្លួនជនសង្ស័យបានចំនួន០៣នាក់ ស្រីខ្មែរចំនួន១នាក់ និងជនបរទេស២នាក់ និងបានដក ហូតថ្នាំញៀន (អ៊ិចស្ត្រាស៊ីល )ចំនួន១,៥០៣គ្រាប់ និងទឹកថ្នាំសង្ស័យជាសារធាតុញៀនប្រភេទ មេតំហ្វេតតាមីន ចំនួន០១ កញ្ចប់ធំ។
សមត្ថកិច្ចបានអោយដឹងថា៖ ជនសង្ស័យ
ទី១-ឈ្មោះ TASDELEN ONDER ភេទប្រុស អាយុ៣៧ឆ្នាំ។
ទី២-ឈ្មោះ ANJERLA ORIBJANOVNA ភេទស្រី អាយុ២៩ឆ្នាំ។
និងទី៣-ឈ្មោះ មុំ សុភា ភេទស្រី អាយុ២៨ឆ្នាំ រស់នៅភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត។
បន្ទាប់ពីឃាត់ខ្លួន ជនសង្ស័យ សមត្ថកិច្ចបានបន្តទៅឆែកឆេរនៅហាង FIREFLY ក្នុងភូមិទ្វីខាងជើង សង្កាត់អណ្តូងខ្មែរ ក្រុងកំពតខេត្តកំពត រកឃើញថ្នាំញៀន(មេតំហ្វេតាមីនចំនួន៥០០គ្រាប់) បន្ថែមទៀត រួមនឹងថ្នាំសង្ស័យជាសារធាតុញៀនចំនួន១៨០គ្រាប់ និងម៉ាទឹកកកទម្ងន់ចំនួន២៦៤,៨៦ក្រាម។
បច្ចុប្បន្នជនសង្ស័យទាំង០៣នាក់ សមត្ថកិច្ចជំនាញកំពុងសួរនាំ ដើម្បីកសាងសំណំុរឿងតាមនីតិវិធី៕
ដោយៈ ជួង វិសិដ្ឋ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipeypostnews.com