រថយន្ត០២គ្រឿង បើកបុកគ្នា លាន់ដូចរន្ទះបាញ់ បណ្ដាលអោយរងរបួសធ្ងន់ស្រាលចំនួន០៣នាក់..!!!
ខេត្តកណ្តាល៖ មានករណីគ្រោះថ្នាក់ចរាចរណ៍មួយបានកើតឡើង កាលពីយប់ ថ្ងៃទី១៩ ខែធ្នូ ឆ្នាំ២០១៨ វេលាម៉ោង២០និហ២៥នាទីយប់ នៅត្រង់ចំណុចគីឡូម៉ែត្រ ២៩-៣០ លើកំណាត់ផ្លូវជាតិលេខ០៤ ភូមិព្រៃក្រឡាញ់ ឃុំលំហាច ស្រុកអង្គស្នួល ខេត្តកណ្ដាល ។
លោកវរសេនីយ៍ឯក មាន សំណាង អធិការនគរបាលស្រុកអង្គស្នួល បានអោយដឹងថា៖ នៅវេលាម៉ោងកើតហេតុខាងលើនេះ មមានរថយន្ត០១គ្រឿងម៉ាកហុីយ៉ាន់ដាយ ពណ៌ ក្រហម បើកបរដោយឈ្មោះ ម៉ូ ភេទប្រុសអាយុ ២៥ឆ្នាំ ជនជាតិខ្មែរ ជារបស់ក្រុមហ៊ុន SP ដែលឈប់នៅត្បូងផ្លូវ បានបត់ឆ្លងផ្លូវត្រឡប់ទៅទិសខាងលិចវិញ ស្របពេលដែលបត់នោះ មានរថយន្ត០១គ្រឿងម៉ាក លុិចសុីស RX៣០០ ពណ៌ស ពាក់ផ្លាកលេខ ភ្នំពេញ ២H ៦៣៥០ បើកបរដោយឈ្មោះ សុឹម វុទ្ធី ភេទប្រុស អាយុ២៥ឆ្នាំ ជនជាតិខ្មែរ មានទីលំនៅ ភូមិកោះទ្រមូង ឃុំបឹងសាលា ខាងជើង ស្រុកកំពង់ត្រាច ខេត្តកំពត ដែលបើកមក ពីទិសខាងលិច ទៅទិសខាងកើត បណ្ដាលអោយបុកចំពាក់កណ្ដាលរថយន្តឆ្លងផ្លូវនោះតែម្ដង ទើបបណ្តាលអោយរថយន្ត ឆេះ ទាំងស្រុង តែមិនបណ្ដាលអោយមនុស្សស្លាប់នោះទេ គឺរងរបួសស្រាលចំនួន០៣នាក់។
បើយោងតាមការសន្និដ្ឋានរបស់សមត្ថកិច្ច បានអោយដឹងថា៖ ករណីនេះ បណ្តាលមកពីអ្នកបើកបររថយន្ត ហុីយ៉ាន់ដាយ បត់ឆ្លងផ្លូវ ខ្វះការប្រុងប្រយ័ត្ន ។
ចំពោះមធ្យោបាយទាំងពី កម្លាំងជំនាញបាន យកមករក្សាទុក នៅអធិការដ្ឋាននគបាលស្រុក ដើម្បីកសាងសំណុំរឿង តាមនីតិវិធី៕
ដោយៈ វ៉ិត រិទ្ធ និពន្ធនាយករង
គេហទំព័រ ប៉ោយប៉ែតប៉ុស្តិ៍
www.poipetpostnews.com