ខេត្តបន្ទាយមានជ័យ៖ ប្រភពបែកធ្លាយ ពីមន្ត្រីគយខេត្ត បន្ទាយមានជ័យបាន អោយដឹងថា៖ លោកឧកញ៉ា ហង្ស ស៊ីផា ដែលជាអ្នកមានមុខមាត់ ក្នុងខេត្តបន្ទាយមានជ័យ ដែលមានមុខងារជាទីប្រឹក្សារ ឧបនាយករដ្ឋមន្ត្រី កែគឹមយ៉ាន នឹងកំពុងរកស៊ីនាំរថយន្ត គេចពន្ធតែត្រូវបាន មន្ត្រីគយចល័តតំបន់៥ នៃអគ្គនាយកដ្ឋានគយនិងរដ្ឋាករ (គយក្រសួងប្រចាំខេត្ត បន្ទាយមានជ័យ) ធ្វើការត្រួតពិនិត្យនឹងមាន ការសម្របសម្រួល ពីអយ្យការអមសាលា ដំបូងខេត្តបន្ទាយមានជ័យ ដើម្បីធ្វើការបង្ក្រាប នៅរថយន្តគេចពន្ធដែលនាំចូលមកកម្ពុជា។ បើយោងតាមប្រភពច្បាស់ការបានបង្ហើប អោយអ្នកព័ត៍មានអោយដឹងថា៖ ការចុះបង្ក្រាបនេះ ធ្វើឡើងតាំងពីព្រឹក ថ្ងៃទី០១ ខែធ្នូរឆ្នាំ២០១៨ វេលាម៉ោង០៨និង២០នាទី ក្នុងបរិវេណភូមិគ្រិះ លោកឧកញ៉ា ហង្ស ស៊ីផា ស្ថិតក្នុងភូមិ៣ សង្កាត់ព្រះពន្លា ក្រុងសិរី សោភ័ណ ខេត្តបន្ទាយមានជ័យ។ ប្រភពបានអោយដឹងទៀតថា៖ រថយន្តដែល ខាងគយចុះបង្ក្រាប ក្នុងភូមិគ្រិះ របស់លោកឧកញ៉ា ហង្ស ស៊ីផា ជាប្រភេទរថយន្តទូរចង្កូតស្តាំ ព័ណស ចំនួន២គ្រឿងសុទ្ធ តែមានតម្លៃជាង១០ម៉ឺនដុល្លា ក្នុងមួយគ្រឿងៗ។ រថយន្តទាំង០២គ្រឿង ដែលក្រុមមន្ត្រីគយ ចល័តក្រសួងបានធ្វើការចុះចាប់នោះ ទីមួយរថយន្តម៉ាក តូយ៉ូតាអាល់ហ្វារ៉ូ (Toyota alpharo) នឹងទីពីរ រថយន្តម៉ាក តូយ៉ូតាវែលហ្វាយអី(Toyota Vell Fire)។ មន្ត្រីគយចល័តតំបន់៥ នៃអគ្គនាយកដ្ឋានគយ និងរដ្ឋាករម្នាក់ប្រចាំខេត្តបន្ទាយមាន ជ័យ បានបង្ហើបអោយដឹងនៅព្រឹកថ្ងៃទី២ ខែធ្នូរ ឆ្នាំ២០១៨ នេះ ថា៖ រថយន្តរថទូរ ទំនើបផលិតឆ្នាំ២០១៦ ទាំង០២គ្រឿង របស់លោកឧកញ្ញ៉ា ហង្ស ស៊ីផា ត្រូវបានរឹបអូសយក មករក្សាទុកសិន ហើយខាងគយនៅ មិនទាន់មានគោលការណ៍ អោយបង់ពន្ធនៅឡើយទេ។ ពាក់ព័ន្ធជុំវិញរថយន្តទំនើបខាងលើនេះ ដែលត្រូវបានក្រុមមន្ត្រីគយចល័តតំបន់៥ នៃអគ្គនាយកដ្ឋានគយនិងរដ្ឋាករ ធ្វើការចុះ បង្ក្រាបនៅក្នុងភូមិគ្រិះ របស់លោកឧកញ៉ា ហង្ស ស៊ីផា មហាជនបានធ្វើការរិះគន់យ៉ាងខ្លាំង ទៅលើឧកញ៉ា មួយចំនួនថា៖ ដោយបានងារជា ឧកញ៉ា មកប្រព្រឹត្ត អំពើខុសច្បាប់ ហ៊ាននាំរថយន្តគេចពន្ធសេរីទំនើបៗ បែបនេះទៅវិញ នេះបើពលរដ្ឋក្រីក្រ វិញ គ្មានសមត្ថភាព រកសុីខុសច្បាប់ បែបនេះនោះឡើយ ខាងជំនាញគយ ក៏ដូចជាស្ថាប័ន តុលាការខេត្ត គួរដាក់បន្ទុកអោយធ្ងន់ៗបន្តិច ដើម្បីកុំអោយខូចឈ្មោះឧកញ៉ា ដែលគេបានធ្វើល្អ ជួយដល់ពលរដ្ឋ និងជួយដល់សង្គម ពិតប្រាកដ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com