ក្រសួងសុខាភិបាល ប្រាប់ពីវិធានការ ការពារសុខភាពនៅពេលមានអាកាសធាតុត្រជាក់.!
រាជធានីភ្នំពេញ៖ ក្រសួងសុខាភិបាល បានចេញសេចក្តីណែនាំ ជូនសាធារណជនស្តីអំពីវិធានការ ការពារសុខភាព នៅពេលមានអាកាសធាតុត្រជាក់ខ្លាំងនាពេលខាងមុខនេះ។
បច្ចុប្បន្ននេះ អាកាសធាតុមានការប្រែប្រួល ហើយខ្យល់ត្រជាក់ នៃរដូវរងា ក៏បានមកដល់ហើយ ដូច្នេះ ដើម្បីការពារសុខភាពផ្ទាល់ខ្លួននិងក្រុមគ្រួសារអោយបានល្អ និងចៀសផុតពីជំងឺ តម្តាត់ ដែលអាចកើតមានជាយថាហេតុ បណ្តាលមកពីអាកាស ធាតុចុះត្រជាក់នេះ ក្រសួងសុខា ភិបាល សូមធ្វើការណែនាំប្រជាពលរដ្ឋទូទាំងប្រទេសកម្ពុជា ជាពិសេសប្រជាជនដែលរស់នៅក្នុងតំបន់ ដែលមានអាកាសធាតុចុះត្រជាក់ខ្លាំង នូវ សារអប់រំសុខភាព ការបង្ការ សុខភាព។
វេជ្ជបណ្ឌិត លី សូវ៉ាន់ បានថ្លែងថា៖ ក្នុងចំណោមជំងឺតាមរដូវកាល ដែលជួបប្រទះញឹកញាប់ ក្នុងអំឡុងពេលអាកាសធាតុ ចុះត្រជាក់ នៅចន្លោះពីខែធ្នូ ដល់ខែមករា នៃឆ្នាំ គឺភាគច្រើនមានជំងឺផ្លូវដង្ហើម ដែលមិនត្រូវ នឹង អាកាសធាតុត្រជាក់ ឬ ជាប្រភេទអាល់លែកហ្ស៊ី និងជំងឺផ្លូវដង្ហើមបណ្តាលមកពី វីរុស និងមេរោគស្ត្រិបគូកូក ដែលបង្កអោយមានរោគសញ្ញាដូចជា គ្រុនផ្តាសាយ ហៀរសំបោរ រលាកបំពង់ក ក្អក និងរលាក ក្រពះ ពោះវៀន ដោយពពួកវីរុស ជាដើម ។ល។
ដូច្នេះត្រូវស្លៀកពាក់ខោអាវក្រាស់ៗ រុំក នឹងកន្សែង ពាក់ជាមួយ និង ស្រោមដៃរងា ដើម្ដើម្បីការពារកុំអោយ ធាតុត្រជាក់ប៉ះខ្លួនប្រាណដោយចំហរ ធ្វើអោយមានការរក្សាកំដៅក្នុងជាធម្មតា ជាដើមបាន៕
ដោយៈ ជួង វិសិដ្ឋ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com
